கோலாலம்பூர்: சிறைச்சாலைகளில் கூட்டம் அதிகமாக இருப்பதைத் தவிர்ப்பதற்காக நடமாட்ட கட்டுப்பாட்டு தடையை (எம்.சி.ஓ) மீறுபவர்களை சிறைக்கு அனுப்புவதை நிறுத்த கொள்ள நீதித்துறை கேட்டுக் கொள்ளப்பட்டுள்ளது. இது கொரோனா வைரஸ் பரவுவதற்கு வழிவகுக்கும்.
கூட்டரசு நீதிமன்ற தலைமை பதிவாளர் அஹ்மத் தீருஜின் முகமட் சாலே இந்த விவகாரம் தொடர்பாக சிறைச்சாலைத் துறையிலிருந்து ஒரு கடிதம் வந்திருப்பதாக தலைமை பதிவாளரின் அலுவலக கார்ப்பரேட் தகவல் தொடர்பு பிரிவு இயக்குநர் சுசரிகா சஹாக் உறுதிப்படுத்தினார்.
தலைமை பதிவாளர் அலுவலக கடிதத்தை கவனத்தில் எடுத்து கொள்வதாக அவர் கூறினார். சிறைச்சாலைத் துறை தலைமை இயக்குநர் டத்தோஶ்ரீ சுல்கிஃப்லி ஓமர் இந்த கடிதத்தில் கையெழுத்திட்டதாகக் கூறப்படுகிறது, மக்கள் கூட்டம் காரணமாக சிறைகளில் சமூக இடைவெளி “சாத்தியமற்றது” என்று கூறினார்.
அந்தக் கடிதத்தில், MCO ஐ மீறியதற்காக ஏப்ரல் 1 ஆம் தேதி வரை 378 பேர் சிறைக்கு அனுப்பப்பட்டுள்ளதாக சுல்கிஃப்லி தெரிவித்தார். ஏற்கனவே நெரிசலான சிறைசாலைகளில், மக்கள் நடமாட்ட தடையை மீறியவர்களின் சுகாதார நிலை அறியப்படாததால் அவர்கள் அங்கு கோவிட் -19 பரவும் என்று சிறைத் துறை கவலை கொண்டுள்ளது.
சிறைச்சாலையில் ஒரு கோவிட் -19 தொற்று ஏற்பட்டால் அது ஒரு முக்கிய பிரச்சினையாக மாறும் என்று சிறைச்சாலைத் துறை கருதுகிறது, ஏனெனில் சமூக விலகல் அங்கு சாத்தியமற்றது மற்றும் கட்டுப்பாடில்லாமல் பரவக்கூடும். கைதிகள் மற்றும் சிறை ஊழியர்களின் உயிருக்கு அச்சுறுத்தலை ஏற்படுத்தும் என்று அந்த துறை மேற்கோள் காட்டி செய்தி வெளியிட்டுள்ளது.
குற்றவாளிகள் கட்டாய வருகை சட்டத்தின் கீழ் சமூக சேவை தண்டனைகளை நீதிமன்றங்கள் நிறைவேற்றுமாறு சுல்கிஃப்லி பரிந்துரைத்ததாக கூறப்படுகிறது. கோவிட் -19 பரவுவதைத் தடுக்கும் முயற்சியில் மார்ச் 18 முதல் MCO நடைமுறைக்கு வருகிறது.
தொற்று நோய்களைத் தடுப்பது மற்றும் கட்டுப்படுத்துதல் (பாதிக்கப்பட்ட உள்ளூர் பகுதிகளுக்குள் நடவடிக்கைகள்) விதிமுறைகள் 2020 இன் விதி 3 (1) இன் கீழ், MCO ஐ மீறியதாக பிடித்து தண்டிக்கப்பட்ட ஒருவருக்கு 1,000 வெள்ளி அபராதம் அல்லது ஆறு மாதங்கள் வரை சிறைத்தண்டனை விதிக்கப்படலாம்.
மலேசிய வழக்கறிஞர் மன்ற தலைவர் சலீம் பஷீர் பாஸ்கரனை தொடர்பு கொண்டபோது, சிறைச்சாலைத் துறை “சரியான அக்கறை மற்றும் கோரிக்கையை முன் வைத்துள்ளது என்றார்.
இடைவெளி கட்டுப்பாடு மற்றும் ஒருவருக்கொருவர் நெருங்கிய தொடர்பில் இருப்பதை தவிர்க்க முடியாமல் அம்பலப்படுத்தும் உள் வழிமுறைகள் நோய்த்தொற்றுகளின் வலுவான வாய்ப்புக்கு வழிவகுக்கும். கைதிகளிடையே எந்தவொரு தொற்றுநோயும் சிறைகளில் கற்பனை செய்ய முடியாத பேரழிவாக இருக்கும் என்று அவர் மேலும் கூறினார்.
நீதிமன்றம் செயல்திறன் மிக்கதாக இருக்க வேண்டும், மேலும் தண்டனை வழங்குவதில் வழக்குகளின் உண்மைகளைச் சுற்றியுள்ள சூழ்நிலைகளை கணக்கில் எடுத்துக்கொள்ள வேண்டும் என்றார். உதாரணமாக, தவறு செய்பவர்கள் மீது சுமத்தப்படும் குற்றங்களின் அடிப்படையில் தண்டனையின் நோக்கம் நிறைவேற்றும். இது அவர்களுக்கு பொறுப்பையும் சட்டத்திற்குக் கீழ்ப்படியவும் கற்பிப்பதாகும்.
மாற்றாக, MCO ஐ மீறிய குற்றவாளிகளுக்கு நீதிமன்றம் வரம்புக்குட்பட்ட தண்டனைகளை வழங்க முடியும் என்றும் அவர் கூறினார்.
“குற்றத்திற்காக சிறைக்கு அனுப்பப்படுவதைத் தடுக்க ஒரு சாத்தியமான வழி,” என்று அவர் கூறினார். MCO ஐ மீறுவது வன்முறை சம்பந்தப்பட்ட குற்றம் அல்ல என்பதால், இந்த காலகட்டத்தில் பொருத்தமான தண்டனைகளை விதிப்பதில் நீதிமன்றம் தனது நீதித்துறை விருப்பப்படி செயல்பட வேண்டும் என்று சலீம் குறிப்பிட்டார்.
மூத்த குற்றவியல் வழக்கறிஞரும் எழுத்தாளருமான டத்தோ பால்ஜித் சிங் சித்து, காவல்துறையினரும் நீதிமன்ற ஊழியர்களும் கைது செய்யப்பட்டதன் மூலம் தேவையற்ற அபாயங்களுக்கு ஆளாகியுள்ளதால், கோரிக்கையை எடுப்பதில் துறை சரியான முடிவை எடுத்துள்ளது என்றார்.
MCO குற்றங்கள் கடுமையான குற்றம் அல்ல, அதைச் சமாளிக்க வேறு வழிகள் உள்ளன. சிறைச்சாலைகளில் கோவிட் -19 பரவினால் அது பெரிய குழப்பத்தை ஏற்படுத்தும் என்றார்.
சிறைச்சாலைகளில் தொற்று ஏற்பட வாய்ப்புள்ளது என்ற கவலையை குற்றவியல் வழக்கறிஞர் அமர் ஹம்சா அர்ஷத் தெரிவித்தார். சந்தர்ப்ப சூழ்நிலைக் காரணமாக சிறைச்சாலைகளில் வைரஸ் பரவுவதால், திடீரென கைதிகளின் அதிகரிப்பு மற்றும் மோசமான சூழ்நிலையை சமாளிக்க முடியுமா?” அவர் கேட்டார்.
சிறைகளில் இதுபோன்ற தொற்று ஏற்பாட்டால் அதிகமானோர் பாதிக்கப்படுவர் என்று அமர் கூறினார். நாம் எதிர்பார்க்காத சூழ்நிலையை கையாண்டு வருகிறோம், எனவே நீதிமன்றம் எந்த தண்டனையை நிறைவேற்ற விரும்புகிறதோ அதனையும் கவனத்தில் கொள்ள வேண்டும்,” என்று அவர் கூறினார்.
