புதிய கட்சியை தொடங்க சையத் சாடிக் விண்ணப்பம்ம்

புத்ராஜெயா: மலேசிய ஐக்கிய ஜனநாயகக் கூட்டணி அல்லது முடா என அழைக்கப்படும் புதிய அரசியல் இயக்கத்தை பதிவு செய்ய சையத் சாடிக் சையத் அப்துல் ரஹ்மான் முறையாக கோரியுள்ளார்.

விண்ணப்பத்தை வியாழக்கிழமை (செப்டம்பர் 17) சமர்ப்பிக்க மூவார் நாடாளுமன்ற உறுப்பினரான அவர்  சங்கங்களின் பதிவாளர் (ஆர்ஓஎஸ்) தலைமையகத்திற்குச் சென்றார்.

செய்தியாளர்களிடம் பேசிய அவர் பக்காத்தான் ஹராப்பன் நிர்வாகத்தின் போது இளைஞர் மற்றும் விளையாட்டு அமைச்சராக பணியாற்றிய சையத் சாடிக் முடா அதன் உறுப்பினர்களின் வயதை மட்டுப்படுத்தாது என்று கூறினார்.

இந்த கட்சி இனம், மதம் மற்றும் வயது ஆகியவற்றைப் பொருட்படுத்தாமல் சமூகத்தின் அனைத்து மட்டங்களையும் பிரதிநிதித்துவப்படுத்தும். எங்கள் கட்சி எங்கள் சித்தாந்தம், இலட்சியவாதம், புரிதல் மற்றும் எங்கள் போராட்டத்தை பகிர்ந்து கொள்வோரை வரவேற்கிறது.

முடா அனைத்து இனங்களுக்கும் மதங்களுக்கும் ஒரு கட்சியாக இருக்கும். அதன் தலைவர்கள் பெரும்பான்மையான இளைஞர்களாக இருப்பார்கள்  என்று அவர் கூறினார்.

அவர் முடாவின் தலைவராக இருப்பாரா என்று கேட்கப்பட்டதற்கு, கட்சி கட்டமைப்பை பின்னர் அறிவிப்பதாக சையத் சாடிக் கூறினார். பலர் கட்சியில் சேர விருப்பங்களை சுட்டிக்காட்டியுள்ளதாக அவர் கூறினார்.

புதிய அரசியலை நாட்டிற்குள் கொண்டுவருவதில் அவர்கள் ஆர்வமாக உள்ளனர். இதனால் நாங்கள் இனி பழைய அரசியலில் சிக்கிக் கொள்ள மாட்டோம். அது எங்களுக்கு முன்னேற கடினமாக உள்ளது என்று அவர் கூறினார். சையத் சாடிக் முன்பு பார்ட்டி பிரிபூமி பெர்சத்து மலேசியாவின் (பெர்சத்து) ஆர்மடா தலைவராக இருந்தார் என்பது குறிப்பிடத்தக்கது.

LEAVE A REPLY

Please enter your comment!
Please enter your name here