இதனால் மனவேதனையில் இருந்த முருகன் கடந்த சில நாட்களுக்கு முன்பு தனது மகன்களுக்கு டீயில் திராவகம் கலந்து கொடுத்து கொலை செய்தார். பின்னர் அதே டீயை கோகிலா குடித்து தற்கொலை செய்து கொண்டார். இதையடுத்து முருகன் திராவகத்தை மதுவில் கலந்து குடித்து இறந்தார்.
இந்த சம்பவம் தொடர்பாக போலீஸ் உதவி கமிஷனர் ஆனந்தகுமார் போலீசார் வழக்குப்பதிவு செய்து விசாரணை நடத்தி வருகின்றனர். போலீசாரின் முதற்கட்ட விசாரணையில் மதன்குமார் இறந்த துக்கத்தில் அவர்கள் இறந்தது தெரியவந்தது.
முருகனுக்கு கடன் தொல்லை உள்ளதா? அல்லது வேறு காரணம் ஏதும் உள்ளதா? என அவர் வேலை பார்த்த சலூன் கடை உரிமையாளர் உள்பட பலரிடம் உதவி கமிஷனர் ஆனந்தகுமார் போலீசார் விசாரித்தனர். மேலும் முருகனின் செல்போனையும் போலீசார் ஆய்வு செய்தனர்.
உயிரிழந்த தனது மகன் மதன்குமாரின் புகைப்படத்தை வைத்துக்கொண்டு மகன் வருவான் என்று கூறி முருகன் தினமும் அழுதுள்ளார். மேலும் மதன்குமார் ஆஸ்பத்திரியில் சிகிச்சை பெற்ற போது இறக்கும் தருவாயில் முருகனின் கைகளை பிடித்து கொண்டு, அப்பா உங்க கூட வாழ ஆசையாக இருக்கிறது, என்னை காப்பாத்துங்க என்று கூறியதாக கூறப்படுகிறது.
பின்னர் மதன்குமார் இறந்ததால் அந்த குடும்பமே கடும் அதிர்ச்சியில் உறைந்து போனது. உயிரிழந்த மகன் தன்னை பார்க்க வருவான் என்று முருகன் சிலரிடம் கூறி வந்தார். இதற்காக அவர் இரவு நேரத்தில் தினமும் கதவை திறந்து வைத்துள்ளார்.
தூங்கும் போது மகனின் பேண்ட், சட்டையை அருகில் வைத்துள்ளார். இதுதவிர தான் அசந்து தூங்கி விட்டால் மகனை பார்க்க முடியாதோ என நினைத்து தலையணை பக்கத்தில் வாசல் நேராக செல்போனில் வீடியோ கேமராவை ஆன் செய்து அதனை பதிவு செய்து வந்தார்.
மறுநாள் காலையில் அதனை பார்த்து உள்ளார். இவ்வாறு தினமும் பதிவு செய்து பார்த்து வந்தார். இதில் ஒரு பதிவு மட்டும் 2¾ மணி நேரம் ஓடுகிறது. இதன் மூலம் முருகன் தனது மகன் மீது அளவு கடந்த பாசம் வைத்திருந்தது தெரியவந்தது. இதனாலேயே இந்த சோக நிகழ்வு நடந்துள்ளது.
இவ்வாறு போலீசார் தெரிவித்தனர்.
ஆய்வு செய்த செல்போனை கோர்ட்டில் ஒப்படைக்க போலீசார் நடவடிக்கை மேற்கொண்டு வருகின்றனர். மேலும் இந்த சம்பவம் தொடர்பாக போலீசார் தொடர்ந்து விசாரணை நடத்தி வருகின்றனர்.
