சிபு: கடந்த வியாழக்கிழமை (செப்.16) இந்தோனேசிய நாட்டவர் ஒருவர் 156 கிமீ தொலைவில் உள்ள முகா ஜாலான் ஓராங் காய செட்டியராஜாவில் உள்ள ஒரு வாடகை வீட்டில் 17 செயற்கை துப்பாக்கி பீப்பாய்கள், 24 புல்லட் கேசிங் மற்றும் 12 ஜெல் பந்துகளை (7-7.5 மில்லிலீட்டருக்கு இடைப்பட்ட அளவுடையவை) வைத்திருந்த சந்தேகத்தின் பேரில் நேற்று கைது செய்யப்பட்டார்.
வியாழக்கிழமை அதிகாலை 3.05 மணியளவில் குடிவரவுத் துறை மற்றும் சரவாக் மாநில பாதுகாப்பு மற்றும் அமலாக்கப் பிரிவினர் நடத்திய சோதனையில், 25 வயது முதல் 39 வயதுடைய ஐந்து இந்தோனேசிய நாட்டு பிரஜைகளுடன் 27 வயது நபர் கைது செய்யப்பட்டதாக முகா போலீஸ் தலைவர் முகமட் ரிசால் அலியாஸ் கூறினார்.
“வீட்டில் பல்வேறு குடியேற்றம் தொடர்பான குற்றங்களைச் செய்ததாகக் கருதப்படும் வெளிநாட்டினர் குழு இருப்பதாகக் கிடைத்த தகவலுக்குப் பிறகு இந்த சோதனை நடத்தப்பட்டது என்றும் அவர்களது வீட்டு வளாகத்தை ஆய்வு செய்ததன் விளைவாக, அந்த குழு போலி துப்பாக்கிகளை வைத்திருந்தது கண்டுபிடிக்கப்பட்டது,” என்று அவர் கூறினார்.
அந்த நபர் 1960 ஆம் ஆண்டு துப்பாக்கிச் சட்டத்தின் கீழ் மேலதிக விசாரணைகளுக்காக போலீசாரிடம் ஒப்படைக்கப்பட்டதாகவும், மற்றவர்கள் குடிவரவுச் சட்டம் 1959 இன் கீழ் விசாரணைக்காக குடிவரவுத் துறையால் கைது செய்யப்பட்டதாகவும் அவர் கூறினார்.
“விசாரணைக்கு உதவுவதற்காக இந்த துப்பாக்கியை வைத்திருப்பதற்காக விசாரணையை எதிர்கொள்ளும் நபருக்கு செப்டம்பர் 21 வரை நான்கு நாட்களுக்கு போலீஸ் காவலில் வைக்க உத்தரவிடப்பட்டுள்ளது,” என்று அவர் கூறினார்.
முகமட் ரிசால் தொடர்ந்து கூறுகையில், இந்த நபர் இந்தோனேசியாவைச் சேர்ந்த முக்காவில் உள்ள ஒரு பண்ணையில் வியாபாரி என்றும், புல்லட் கேசிங்ஸ் மற்றும் ஜெல் பந்துகளுடன் “பிளாஸ்டர்” போன்ற போலி துப்பாக்கிகள் நாட்டின் சந்தையில் இருந்து பெறப்பட்டதாகவும் இதுவரை நடந்த விசாரணையில் கண்டறியப்பட்டதாகவும் கூறினார்.
“பிளாஸ்டர்” துப்பாக்கிகள் பொதுவாக பெயிண்ட்பால் விளையாட்டு நிறுவனங்களால் பயன்படுத்தப்படுகின்றன, ஆனாலும் ஆயுதங்களை வாங்க அனுமதி பெற வேண்டும் என்று அவர் கூறினார்.
“அந்த நபர் முக்காவில் பிளாஸ்டர் (blaster) ஆயுதத்தைப் பயன்படுத்தி ஒரு ‘பெயிண்ட்பால் (paintball)’ விளையாட்டு ( game) வணிகத்தை நடத்த திட்டமிட்டார் என்றும் ஆனால் உரிமத்திற்கு விண்ணப்பிக்க உள்ளூர் பங்குதாரர் இல்லாததால் அதைச் செய்ய முடியவில்லை என்றும் விசாரணையில் தெரியவந்ததாக அவர் கூறினார்.
மேலும் “நடமாட்ட கட்டுப்பாட்டு உத்தரவுகள் காரணமாக வணிகத்தையும் மேற்கொள்ள முடியாது இருந்தது ,” என்றும் அவர் கூறியது குறிப்பிடத்தக்கது.
