மனித வளத்துறை துணை அமைச்சர்: புதிய குறைந்தபட்ச ஊதியத் தொகை அடுத்த ஆண்டு அறிவிக்கப்படும்

கோலாலம்பூர், நவம்பர் 8 :

புதிய குறைந்தபட்ச ஊதியத் தொகை தொடர்பான ஆய்வு இந்த ஆண்டு இறுதிக்குள் முடிவடைந்து, அடுத்த ஆண்டு அறிவிக்கப்படும் என எதிர்பார்க்கப்படுகிறது.

மனித வளத்துறை துணை அமைச்சர் டத்தோ அவாங் ஹாஷிம் இதுபற்றிக் கூறுகையில், குறைந்தபட்ச ஊதியம் குறித்த ஆய்வு செயல்படுத்தப்பட்டு வருவதாகவும், ஆய்வுகள் இந்த ஆண்டின் நான்காவது காலாண்டில் நிறைவடையும் என்று எதிர்பார்க்கப்படுவதாகவும் கூறினார்.

குறைந்தபட்ச ஊதியத்தை மறுஆய்வு செய்வது தேசிய ஊதிய ஆலோசனை கவுன்சில் சட்டம் 2011 இன் படி இரண்டு ஆண்டுகளுக்கு ஒருமுறை மறுபரிசீலனை செய்யப்பட வேண்டும் என்றார்.

“இதை எங்களால் மாற்ற முடியாது, அதை மாற்ற வேண்டுமென்றால் நாடாளுமன்றத்தின் மூலம் செய்யப்பட வேண்டும் (இருவருட ஆய்வு) யாங் பெர்ஹார்மட் முவார் முன்பு கூறியது போல் இது வருடத்திற்கு ஒரு முறை அல்ல” என்று சையத் சாதிக் சையத் அப்துல் ரஹ்மானின் (Bebas-Muar) கேள்விக்கு அவர் பதிலளித்தார்.

குறைந்தபட்ச ஊதிய விகிதத்தை மேலும் அதிகரிக்க, தேசிய ஊதிய ஆலோசனை கவுன்சில் (MPGN) ஒரு ஆய்வை நடத்துவதற்கு பொறுப்பாகும் என்று மேலும் அவாங் விளக்கினார்.

பொருளாதாரத்தின் ஸ்திரத்தன்மை, மொத்த உள்நாட்டு உற்பத்தி ஊக்குவிப்பு, மக்களின் செலவு மற்றும் வாழ்க்கைத் தரம் உள்ளிட்ட பல்வேறு அம்சங்களை ஆய்வு கணக்கில் எடுத்துக் கொள்ளப்பட்டது என்றார்.

இறுதியாக குறைந்தபட்ச ஊதியம் பிப்ரவரி 1, 2020 அன்று உயர்த்தப்பட்டது, RM1,100 லிருந்து RM1,200 ஆக உயர்த்தப்பட்டது குறிப்பிடத்தக்கது.