RON97 பெட்ரோலின் சில்லறை விலை வியாழன் (டிசம்பர் 16) முதல் டிசம்பர் 22 வரை லிட்டருக்கு ஒரு சென் அதிகரித்து 3 வெள்ளியாக இருக்கும் என்று நிதி அமைச்சகம் தெரிவித்துள்ளது. புதன்கிழமை (டிசம்பர் 15) ஒரு அறிக்கையில், RON95 பெட்ரோல் மற்றும் டீசலின் சில்லறை விலை அதே காலகட்டத்தில் லிட்டருக்கு முறையே RM2.05 மற்றும் RM2.15 ஆக இருக்கும் என்று கூறியது.
அரசாங்கம் RON95 பெட்ரோலின் சில்லறை விலையை லிட்டருக்கு RM2.05 ஆகவும், டீசல் விலை லிட்டருக்கு RM2.15 ஆகவும் பராமரித்து வருகிறது. இருப்பினும் இரண்டு பொருட்களின் உண்மையான சந்தை விலை நிர்ணயிக்கப்பட்ட உச்சவரம்பு விலையை விட அதிகமாக உள்ளது என்று அது கூறியது.
அறிக்கையின்படி, உலகளாவிய எண்ணெய் விலை உயர்வின் விளைவுகளிலிருந்து நுகர்வோரைப் பாதுகாக்கும் நோக்கில் இந்த நடவடிக்கை எடுக்கப்பட்டுள்ளது. உலகளாவிய கச்சா எண்ணெய் விலையின் போக்கை அரசாங்கம் தொடர்ந்து கண்காணித்து, தொடர்ந்து மக்களின் நலன் மற்றும் நல்வாழ்வை உறுதிப்படுத்த உரிய நடவடிக்கைகளை எடுக்கும் என்றும் அந்த அறிக்கையில் கூறப்பட்டுள்ளது.
