கோலப்பிலா, ஏப்ரல் 29 :
தமது மூன்று வயது மகளை வளர்ப்பதில் அலட்சியம் காட்டிய மற்றும் குழந்தையை துன்புறுத்திய தம்பதியருக்கு நான்கு மாதங்கள் சிறைத்தண்டனை விதிக்கப்பட்டது.
S. பிரபு, 32, மற்றும் அவரது மனைவி, R. கலைவாணி, 31, ஆகியோர் நீதிமன்றத்தால் நிர்ணயிக்கப்பட்ட RM10,000 அபராதம் செலுத்தத் தவறியதால், இச்சிறைத் தண்டனை விதிக்கப்பட்டது.
அவர்கள் இன்று செஷன்ஸ் நீதிமன்றத்தில் ஆஜர்படுத்தப்பட்டு, நீதிபதி நார்மா இஸ்மாயில் முன்னிலையில் நீதிமன்ற மொழிபெயர்ப்பாளரால், தமிழில் குற்றச்சாட்டுகள் வாசிக்கப்பட்டதை அடுத்து அவர்கள் தம்மீதான குற்றத்தை ஒப்புக்கொண்டனர்.
கூட்டுக் குற்றச்சாட்டின் அடிப்படையில், குற்றம் சாட்டப்பட்ட இருவரும் ஏப்ரல் 23 அன்று காலை 10 மணி முதல் பிற்பகல் 1 மணி வரை ஜெம்போல், கெல்பின் தோட்ட வீட்டில், மூன்று வயதும் எட்டு மாதங்களும் கொண்ட குழந்தையை பெற்றோர்கள் அடித்துள்ளனர்.
குழந்தையின் கன்னங்கள், வாய் மற்றும் கழுத்தில் பலத்த காயம் ஏற்பட்டது. குழந்தைகள் சட்டம் 2001 இன் பிரிவு 31 (1) (a) இன் கீழ் இருவர் மீதும் குற்றம் சாட்டப்பட்டது மற்றும் அதே குறியீட்டின் பிரிவு 34 உடன் சேர்த்து படிக்கப்பட்டது.
அரசுத் தரப்பில் ஆஜரான துணை அரசு வழக்கறிஞர் முஹமட் அமிருல் நூர் ஹாஷிமி வழக்கினை நடத்தினார், குற்றம் சாட்டப்பட்டவர் சார்பில் எந்தவொரு வழக்கறிஞரும் ஆஜராகவில்லை.
குற்றம் சாட்டப்பட்டவர்களின் நான்கு பிள்ளைகளும் இப்போது மேலதிக சிகிச்சைக்காக கோலப்பிலாவில் உள்ள துவாங்கு அம்புவான் நஜிஹா மருத்துவமனையின் (HTAN) மனநலப் பிரிவின் கீழ் வைக்கப்பட்டுள்ளனர் என்பது குறிப்பிடத்தக்கது.
