தாவாவ், ஜூன் 20 :
கடந்த ஜூன் 14-ஆம் தேதி, இங்கு அருகிலுள்ள பண்டார் ஸ்ரீ இந்தாவில் போலீசார் நடத்திய சோதனையில், போதைப்பொருள் கடத்தல் கும்பலைச் சேர்ந்தவர்கள் என்று சந்தேகிக்கப்படும் இருவரைக் கைது செய்ததுடன், அவர்களிடமிருந்து RM216,000 என மதிப்பிடப்பட்ட மதிப்புள்ள ஆறு கிலோ சியாபுவையும் கைப்பற்றினர்.
தாவாவ் மாவட்ட காவல்துறைத் தலைவர், துணை ஆணையர் ஜாஸ்மின் ஹுசின் கூறுகையில், முறையே 30 மற்றும் 40 வயதுடைய இரு உள்ளூர் ஆண்கள், பிற்பகல் 3.55 மணியளவில் மேற்கொள்ளப்பட்ட சோதனையில் கைது செய்யப்பட்டனர் என்றார்.
“இந்தச் சோதனையின் போது, சந்தேக நபர்கள் போதைப்பொருள் விற்பனை மற்றும் விநியோக நடவடிக்கையில் ஈடுபடுவது கண்டுபிடிக்கப்பட்டது.
“சம்பவ இடத்தில் சியாபு என நம்பப்படும் கட்டிகள் கொண்ட ஆறு பொட்டலங்கள் அடங்கிய பெட்டியை போலீசார் கைப்பற்றினர்.
இரண்டு சந்தேகநபர்களும் தாவாவ் மாவட்டத்தில் போதைப்பொருள்களை விற்பனை செய்வது மற்றும் சந்தைப்படுத்துதல் ஆகியவற்றில் தீவிரமாக மேற்கொண்டுவந்துள்ளதாக விசாரணைகளில் கண்டறியப்பட்டுள்ளதாக, அவர் இன்று இடம்பெற்ற ஊடகவியலாளர் சந்திப்பில் தெரிவித்தார்.
கைப்பற்றப்பட்ட போதைப் பொருட்களை 50,000 போதைப்பித்தர்களால் பயன்படுத்த முடியும் என ஜாஸ்மின் தெரிவித்தார்.
சந்தேக நபர்களிடம் மேற்கொள்ளப்பட்ட சிறுநீர் சோதனையில், ஒருவர் மெத்தம்பேட்டமைனுக்கு சாதகமாக இருப்பது கண்டறியப்பட்டது, மற்றொருவர் போதை மருந்துகளுக்கு எதிர்மறையான பதிலைப் பெற்றார் என்று அவர் கூறினார்.
மேலும் “சந்தேக நபர்களில் ஒருவருக்கு போதைப்பொருள் சம்பந்தப்பட்ட முந்தைய பதிவும் உள்ளது, மேலும் அவர்கள் விசாரணையில் உதவுவதற்காக ஏழு நாட்கள் போலீஸ் தடுப்புக் காவலில் வைக்கப்பட்டுள்ளனர்.
“அபாயகரமான மருந்துகள் சட்டம் (ADB) 1952, பிரிவு 39B இன் கீழ் இந்த வழக்கு விசாரிக்கப்படுகிறது,” என்று அவர் மேலும் கூறினார்.
