பெண்டாங் ஆற்றின் நீர்மட்டம் எச்சரிக்கை அளவை விட அதிகமாக உள்ளது

பெண்டாங், ஆகஸ்ட் 5 :

கடந்த இரண்டு நாட்களாக பெய்த கனமழையை தொடர்ந்து, பெண்டாங் ஆற்றின் நீர்மட்டம் எச்சரிக்கை அளவை விட 2.5 மீட்டருக்கு மேல் உயர்ந்துள்ளது.

இதுவரை, இங்குள்ள Klang Taugehயில் உள்ள இரு வீடுகள் வெள்ளத்தில் மூழ்கியுள்ளன, ஆனால் நிலைமை இன்னும் கட்டுக்குள் உள்ளது என்று பெண்டாங் மாவட்ட சிவில் பாதுகாப்பு அதிகாரி, லெப்டினன்ட் (PA) யஸ்லினா யூசோப் கூறினார்.

குடியிருப்பாளர்களின் பாதுகாப்பை உறுதி செய்வதற்காக ஆற்றின் அருகே உள்ள நான்கு கிராம இடங்களை அவரது உறுப்பினர்கள் கண்காணித்து வருவதாகவும் கூறினார்.

“இதுவரை வானிலை இன்னும் மேகமூட்டத்துடன் உள்ளது, ஆனால் நிலைமை கட்டுக்குள் உள்ளது. இரண்டு மணி நேரத்திற்கும் மேலாக மழை பெய்தால் அசம்பாவிதம் எதுவும் ஏற்படாது தடுக்க தமது உறுப்பினர்கள் உஷார் நிலையில் உள்ளனர், குறிப்பாக தாழ்வான பகுதிகளில் வெள்ளம் ஏற்படும் அபாயம் இருக்கலாம்,” என்று அவர் இன்று தொடர்பு கொண்டபோது கூறினார்.

குடியிருப்பாளர்கள் எந்தவொரு அவசரநிலைக்கும் தயாராக இருக்கவும், மேலும் அவர்கள் வேறு நகர வேண்டியிருந்தால், முக்கியமான ஆவணங்களை பாதுகாப்பாக வைத்திருக்குமாறும் அவர் குடியிருப்பாளர்களுக்கு நினைவூட்டினார்.

LEAVE A REPLY

Please enter your comment!
Please enter your name here