கோத்தா கினாபாலு, ஆகஸ்ட் 6 :
ஜாலான் லிந்தாஸ் என்ற இடத்தில் நேற்று இரவு அவர்கள் சென்ற நான்கு சக்கர வாகனம் விபத்தில் சிக்கியதில், நான்கு வயது சிறுவன் ஒருவர் படுகாயமடைந்த நிலையில், ஒரே குடும்பத்தைச் சேர்ந்த மூவர் உயிரிழந்தனர்.
கோத்தா கினாபாலு மாவட்ட காவல்துறைத் தலைவர், துணை ஆணையர் முகமட் ஜைதி அப்துல்லா கூறுகையில், இரவு 11.24 மணியளவில் நடந்த இந்தச் சம்பவத்தில், வாகனத்தை ஓட்டிச் சென்ற 44 வயது ஓட்டுநர், அவரது 16 வயது மகள் மற்றும் 11 வயது மகன் ஆகியோரே சம்பவ இடத்திலேயே உயிரிழந்ததாக மருத்துவ பரிசோதனையில் தெரிவிக்கப்பட்டுள்ளது.
“உறவினர் என நம்பப்படும் பலத்த காயமடைந்த சிறுவன் தற்போது மருத்துவமனையில் சிகிச்சை பெற்று வருகிறார்,” என்று அவர் இன்று வெளியிட்டுள்ள ஒரு அறிக்கையில் தெரிவித்தார்.
முஹமட் ஜைதி மேலும் கூறுகையில், பாதிக்கப்பட்டவர்கள் ராம்பயானின் அங்கசா அடுக்குமாடி குடியிருப்பில் இருந்து வந்து கோத்தா கினாபாலு அனைத்துலக விமான நிலையத்தை நோக்கிச் சென்று கொண்டிருந்ததாக ஆரம்ப விசாரணையில் தெரியவந்துள்ளது.
டிரைவரின் கட்டுப்பாட்டை இழந்த வாகனம் லுயாங் கிளினிக் சந்திப்புக்கு அருகே உள்ள மேம்பாலத்தின் கான்கிரீட் தூணில் மோதியதில், இந்த சம்பவம் நடந்ததாக நம்பப்படுகிறது என்றார்.
“விபத்தின் விளைவாக இரோவர் வாகனத்திலிருந்து வெளியே தூக்கி வீசப்பட்டனர், அதே நேரத்தில் ஓட்டுநரும் அவரது மகனும் வாகனத்திற்குள் சிக்கிக் கொண்டிருந்தனர்,” என்று அவர் கூறினார்.
விபத்து நடந்தபோது மழை பெய்ததால் சாலை வழுக்கி இந்த விபத்து ஏற்பட்டிருக்கலாம் என நம்பப்பட்டது.
