கோத்தா கினாபாலு, ஆகஸ்ட் 29 :
இங்குள்ள தஞ்சோங் அரு கடற்கரைப் பகுதியில், பொழுதுபோக்கிற்காக வெளியூர் சென்றதாக நம்பப்பட்ட மூதாட்டி ஒருவர் இன்று இறந்து கிடக்க கண்டெடுக்கப்பட்டார்.
பாதிக்கப்பட்ட 73 வயதான மூதாட்டியின் சடலம் இன்று காலை 6.30 மணியளவில் பொதுமக்களால் கண்டுபிடிக்கப்பட்டது. அதன் பின்னர் சம்பவம் தொடர்பில் போலீசாருக்கு தகவல் கிடைத்ததாக கோத்தா கினாபாலு மாவட்ட காவல்துறைத் தலைவர், துணை ஆணையர் முகமட் ஜைதி அப்துல்லா கூறினார்.
தகவல் கிடைத்ததும், சம்பவம் நடந்த இடத்திற்கு ஒரு போலீஸ் குழு விசாரணைக்கு அனுப்பப்பட்டது.
அவர்கள் அந்த இடத்திற்கு வந்தபோது, பாதிக்கப்பட்டவரது உடல் கோத்தா கினாபாலு வானிலை ஆய்வு நிலையத்திற்கு அருகிலுள்ள தஞ்சோங் அரு கடற்கரை 3 இல் கிடந்தது.
“முதற்கட்ட விசாரணையில், புரோத்தோன் ஜெனரல் 2 காரை ஓட்டி வந்த பாதிக்கப்பட்டவர், பொழுதுபோக்கிற்காக கடற்கரை பகுதிக்கு சென்றதாக நம்பப்படுகிறது.
“அவரது காரில் அதன் சாவி, பணப்பை மற்றும் மொபைல் போன்களையும் போலீசார் கண்டுபிடித்தனர்,” என்று அவர் இங்கு சந்தித்தபோது கூறினார்.
பாதிக்கப்பட்டவர் கடலில் விழுந்து இறப்பதற்கு முன் கடற்கரையில் நடந்து சென்றதாக நம்பப்படுகிறது என்றார்.
“இதுவரை, இந்த வழக்கு திடீர் மரணம் என்று வகைப்படுத்தப்பட்டுள்ளது,” என்று அவர் கூறினார்.
