கம்போடியாவில் வேலை மோசடியால் பாதிக்கப்பட்ட மேலும் 35 பேர் தாயகம் திரும்பினர்

வேலை வாய்ப்பு மோசடி கும்பலால் பாதிக்கப்பட்டு, கம்போடியாவில் சிக்கிய 35 மலேசியர்கள் அதிகாரிகளால் வெற்றிகரமாக மீட்கப்பட்டு இன்று தாயகம் அழைத்து வரப்பட்டனர். வெளியுறவு அமைச்சகத்தின் நெறிமுறை மற்றும் தூதரக விவகாரங்களின் தலைவர் முகமட் ஐனி அதான், அவர்கள் அனைவரும் இரண்டு தனித்தனி விமானங்களில் பாதுகாப்பாக வந்தடைந்தனர். முதல் குழுவில் ஒரு பெண் உட்பட 28 பேர் பாதிக்கப்பட்ட அனைவரும் இன்று பிற்பகல் 2 மணியளவில் கோலாலம்பூர் அனைத்துலக விமான நிலையத்திற்கு (KLIA) வந்தடைந்தனர்.

ஏழு பேர் அடங்கிய இரண்டாவது குழு இன்று பிற்பகல் 5.35 மணிக்கு கோலாலம்பூர் அனைத்துலக விமான நிலையம் 2 (KLIA2) வந்தடைந்ததனர். காப்பாற்றப்பட்டவர்களின் மொத்த எண்ணிக்கை 324, அவர்கள் கம்போடியா, லாவோஸ், தாய்லாந்து மற்றும் மியான்மர் ஆகிய நாடுகளில் ஏப்ரல் முதல் இதுவரை மீட்கப்பட்டுள்ளனர். 459 வழக்குகளில் எங்களிடம் பதிவாகியுள்ளது.

324 பேரில், 304 பேர் மலேசியாவிற்கு பாதுகாப்பாக வந்துள்ளனர். மீதமுள்ளவர்கள் இன்னும் நாட்டின் தடுப்புக் கிடங்குகளில் தடுத்து வைக்கப்பட்டுள்ளனர் அதாவது லாவோஸில் 14, மியான்மரில் இரண்டு மற்றும் தாய்லாந்தில் நான்கு பேர் என்று அவர் இன்று KLIA இல் செய்தியாளர் கூட்டத்தில் கூறினார்.

இந்த பிரச்சனையை சமாளிக்க (வெளிநாட்டில் உள்ள மலேசியர்களை மீட்பதற்கு) ஒரு விரிவான தகவல்தொடர்பு திட்டத்தை உருவாக்க தகவல் தொடர்பு மற்றும் மல்டிமீடியா அமைச்சகத்துடன் நாங்கள் பணியாற்றி வருகிறோம் என்று அவர் கூறினார். மேலும் “வேலை வாய்ப்புகளை எளிதில் ஏமாற்ற வேண்டாம்” என்று பொதுமக்களை அறிவுறுத்தினார்.

LEAVE A REPLY

Please enter your comment!
Please enter your name here