தைப்பிங்கில் திடீர் வெள்ளத்தால் பாதிக்கப்பட்ட 274 பேர் தங்குவதற்கு ஐந்து நிவாரண மையங்கள் (பிபிஎஸ்) நேற்று திறக்கப்பட்டுள்ளன.
மாநில தீயணைப்பு மற்றும் மீட்புத் துறையின் செய்தித் தொடர்பாளர் கூறுகையில், சுராவ் கம்போங் தெங்கா, எஸ்கே சுல்தான் அப்துல்லா, மஸ்ஜித் சங்கட் இபோல், மஸ்ஜித் பத்து 8 பெண்டாங் சியாம் மற்றும் சூராவ் கம்போங் பேராக் ஆகிய இடங்களில் பிபிஎஸ் திறக்கப்பட்டது.
வெள்ளத்தால் பாதிக்கப்பட்டவர்கள் கம்போங் சே, கம்போங் செண்டுக் உலு, கம்போங் புக்கிட் செம்பெடக், கம்போங் சாங்கட் இபோல், கம்போங் செராபோ, பரிட் பத்து 8, பெண்டாங் சியாம், தைப்பிங், சாங்கட் நிங், கம்போங் உலு செபெடாங், பத்து குராவ் மற்றும் கம்போங் ஜா ஆகிய பகுதிகளை சேர்ந்தவர்கள்.
நேற்று, இங்கு அருகே தைப்பிங்கில் உள்ள புக்கிட் கன்டாங்கில் உள்ள பல கிராமங்கள் கனமழையைத் தொடர்ந்து திடீர் வெள்ளத்தால் பாதிக்கப்பட்டதாக அறிவிக்கப்பட்டது.
