சாலைப் போக்குவரத்துத் துறை (ஜேபிஜே) ஏப்ரல் 18 முதல் 27 வரை ஹரிராயா கொண்டாட்டத்துடன் இணைந்து “Ops Bersepadu JPJ” நடத்தும் என்று போக்குவரத்து அமைச்சர் அந்தோணி லோக் கூறினார். நாடு முழுவதும் 231 இடங்கள் அடிக்கடி விபத்துக்குள்ளாகும் பகுதிகள் அல்லது முக்கிய இடங்கள் என அடையாளம் காணப்பட்டுள்ளன. அங்கு கண்காணிப்பு முடுக்கிவிடப்படும் என்றார்.
அடிக்கடி விபத்துகள் நடப்பதாக ஒரு பகுதி அடையாளம் காணப்பட்டால், ரோந்துப் பணியை நடத்துவதற்கு ரோந்து கார்களை நிறுத்துவதே அணுகுமுறையாகும், இதனால் ஓட்டுநர்கள் அமலாக்க அதிகாரிகளின் முன்னிலையில் மிகவும் கவனமாக இருப்பார்கள்.
வாகனமோட்டிகள் போக்குவரத்து விதிகளுக்குக் கீழ்ப்படிவார்கள் என்று நம்புகிறேன். குறிப்பாக பகாங்கில், இது கிள்ளான் பள்ளத்தாக்கிலிருந்து கிழக்கு கடற்கரைக்கு செல்லும் முக்கிய பாதையாகும். நிச்சயமாக, லட்சக்கணக்கான வாகனங்கள் அதைக் கடந்து செல்லும். தவிர, நாங்கள் கனரக வாகன தடையை அமல்படுத்துவோம். வழக்கம் போல் என்றார்.
இன்று (ஏப்ரல் 11) ஜாலான் சாமாங்கில் புதிய பெந்தோங் ஜேபிஜே அலுவலகம் கட்டுவதற்கான அடிக்கல் நாட்டு விழாவில் கலந்து கொண்ட பின்னர் செய்தியாளர் சந்திப்பில் அவர் இவ்வாறு கூறினார். பகாங் பொதுப்பணி, போக்குவரத்து மற்றும் சுகாதாரக் குழுத் தலைவர் டத்தோ முகமது ஃபக்ருதீன் முகமட் ஆரிஃப் மற்றும் ஜேபிஜே தலைமை இயக்குநர் டத்தோ ஜைலானி ஹாஷிம் ஆகியோரும் கலந்து கொண்டனர்.
இதற்கிடையில், இந்த மாவட்டத்திற்கு கூடுதலாக, மேலும் இரண்டு புதிய JPJ கட்டிடங்கள் கட்டப்பட்டு வருகின்றன அதாவது சரவாக் சரிகேய் மற்றும் ஜோகூர் மூவாரில் என்றார். ஜேபிஜே மக்களுக்கு சிறந்த சேவையை வழங்குவதை உறுதி செய்வதற்காக, அது டிஜிட்டல் அம்சத்தில் வலுவூட்டப்பட வேண்டும் என்பதை அரசாங்கம் அறிந்திருக்கிறது என்று அவர் கூறினார்.
