பாசீர் மாஸ்:
கம்போங் கேலாம் டோக் உபானில், கிணறு தோண்டும் போது, 6.1 மீட்டர் ஆழத்தில் நிலத்தில் புதைந்து, இளைஞர் ஒருவர் பரிதாபமாக இறந்தார்.
நேற்று மாலை 6.17 மணியளவில் நடந்த இந்தச் சம்பவத்தில், பாதிக்கப்பட்ட முகமட் கைருல் ஜெஃப்ரி மரோஃப், 23, என்பவரது சடலம் இரவு 7.15 மணியளவில் பொதுமக்களின் உதவியுடன் தீயணைப்புப் பிரிவினரால் கண்டுபிடிக்கப்பட்டது என்று, பாசீர் மாஸ் தீயணைப்பு மற்றும் மீட்பு நிலையத்தின் தலைவர் முகமட் அஸ்மி ஹுசின் கூறினார்.
சம்பவம் தொடர்பில் பொதுமக்களிடமிருந்து தொலைபேசி அழைப்பைப் பெற்றதாகவும், உடனே சம்பவ இடத்திற்கு தீயணைப்பு துறையினர் விரைந்ததாகவும் அவர் கூறினார்.
“பாதிக்கப்பட்டவரது உடல் மேலதிக நடவடிக்கைக்காக போலீசாரிடம் ஒப்படைக்கப்பட்டது.
