திகார் சிறையில் அடைபட்டிருக்கும் அர்விந்த் கேஜ்ரிவாலை சிபிஐ இன்று அதிரடியாக கைது செய்தது. இதனையடுத்து கேஜ்ரிவாலை தொடர்ந்து சிறையிலேயே முடக்க சதி நடப்பதாக குற்றச்சாட்டு எழுந்துள்ளது.
திகார் சிறையில் கேஜ்ரிவாலை கைது செய்ததும், ரோஸ் அவென்யூ நீதிமன்றத்துக்கு அவரை சிபிஐ அழைத்து வந்தது. கேஜ்ரிவால் மனைவி சுனிதா கேஜ்ரிவாலும் உடனிருந்தார். கேஜ்ரிவால் சார்பில் வாதிட்ட வழக்கறிஞர் விவேக் ஜெயின், திகார் சிறையில் கேஜ்ரிவாலை சிபிஐ விசாரித்தது குறித்து தான் ஊடகங்கள் மூலம் மட்டுமே அறிய நேர்ந்தது என கவலை தெரிவித்தார்.
முன்னதாக டெல்லி உயர் நீதிமன்றம் கேஜ்ரிவாலின் ஜாமீன் உத்தரவை நிறுத்தி வைத்தது. விசாரணை நீதிமன்றம் தடைசெய்யப்பட்ட உத்தரவை நிறைவேற்றுவதற்கு முன்பு பணமோசடி தடுப்புச் சட்டத்தின் பிரிவு 45-ன் இரட்டை நிபந்தனைகளை நிறைவேற்றுவதில் திருப்தியை பதிவு செய்திருக்க வேண்டும் என்றது.
கலால் கொள்கை வழக்கு தொடர்பாக திகார் சிறையில் உள்ள கேஜ்ரிவாலை நேற்றிரவு வரை சிபிஐ விசாரணை செய்து வாக்குமூலம் பதிவு செய்தது. தற்போதைய சிபிஐ கைது மூலமாக, கேஜ்ரிவாலை சிறையிலேயே முடக்க மோடி அரசாங்கம் மோசமான தந்திரங்களை முன்வைப்பதாக கேஜ்ரிவால் வழக்கறிஞர் பின்னர் குற்றம் சாட்டினார்.
