தினேஷ் கார்த்திக்கை ராயல்ஸ் அணி ஒப்பந்தம் செய்துள்ளதாக தகவல் வெளியான நிலையில், அதனை தினேஷ் கார்த்திக் உறுதிபடுத்தியுள்ளார்.
ஐபிஎல் 17ஆவது சீசனின் எலிமினேட்டர் ஆட்டத்தில், ராஜஸ்தான் ராயல்ஸ் அணியிடம் ஆர்சிபி அணி தோற்றப் பிறகு, இந்திய அணியில் இருந்தும், ஐபிஎலில் இருந்தும் ஓய்வுபெறுவதாக தினேஷ் கார்த்திக் அறிவித்தார்.
பிசிசிஐ விதிமுறைப்படி, இந்திய கிரிக்கெட்டில் இருந்து விலகினால் மட்டுமே வெளிநாட்டு தொடர்களில் ஆட முடியும். கடந்த வருடம் அம்பத்தி ராயுடு இந்திய கிரிக்கெட்டில் இருந்து ஓய்வுபெற்று, கிரீபியன் பிரிமியர் லீக் தொடரில் ஆடினார். ராபின் உத்தப்பா, யூசுப் பதான், ரெய்னா போன்றவர்களும் வெளிநாட்டு தொடர்களில் விளையாடி வருகிறார்கள்.
இந்நிலையில், இந்திய அணி மற்றும் ஐபிஎலில் இருந்து ஓய்வுபெற்ற தினேஷ் கார்த்திற்கு, ஆர்சிபி அணியின் ஆலோசகர் மற்றும் பேட்டிங் பயிற்சியாளர் பதவியை வழங்கி உள்ளனர்.
தென்னாப்பிரிக்க டி20 லீக் தொடரில் இருக்கும் பார்ல் ராயல்ஸ் அணி, தினேஷ் கார்த்திக்கை ஒப்பந்தம் செய்துள்ளோம் என அறிவித்தது. இந்நிலையில், தற்போது தினேஷ் கார்த்திக்கும் இதனை உறுதிபடுத்தி உள்ளார்.
தென்னாப்பிரிக்க டி20 லீக் தொடரில், இதுவரை எந்த இந்திய வீரரும் விளையாடாத நிலையில், முதல்முறையாக தினேஷ் கார்த்திக், இத்தொடரில் விளையாட உள்ளார். தினேஷ் கார்த்திக் இடம்பெற்றுள்ள பார்ல் ராயல்ஸ் அணி, இதுவரை ஒருமுறை கூட கோப்பை வென்றதில்லை.
தினேஷ் கார்த்திக ரெக்கார்ட்
ஐபிஎலில் ஆர்சிபி அணிக்காக அதிக ரன்கள் அடித்தோர் பட்டியலில் தினேஷ் கார்த்திக் 2ஆவது இடத்தில் உள்ளார். 53 இன்னிங்ஸ்களில் 24.65 சராசரியில், 162.95 ஸ்ட்ரைக் ரேட்டில் 937 ரன்களை அவர் அடித்துள்ளார்.
விக்கெட் கீப்பராக
ஐபிஎலில் விக்கெட் கீப்பராக மகேந்திரசிங் தோனிக்கு அடுத்து, தினேஷ் கார்த்திக்தான் அதிக ரன்களை எடுத்துள்ளார். 234 இன்னிங்ஸ்களில் 26.31 சராசரியில் 22 அரை சதங்கள் உட்பட 4,842 ரன்களை குவித்தார் என்பது குறிப்பிடத்தக்கது.
