குடிநுழைவுத் துறையின் புதிய தலைமை இயக்குநராக உள்நாட்டு வர்த்தகம் மற்றும் வாழ்க்கைச் செலவுக்கான துணைச் செயலாளர் ஸக்காரியா நியமிக்கப்பட்டுள்ளார். அவரது நியமனம் இன்று துறையில் முகநூல் பக்கத்தில் அறிவிக்கப்பட்டது. அவர் மார்ச் 2023 முதல் அப்பதவியை வகித்த ரஸ்லின் ஜூசோவிடம் இருந்து பொறுப்பேற்றார்.
25 ஆண்டுகளுக்கும் மேலாக சிவில் சேவையில் இருக்கும் ஸக்காரியா, இதற்கு முன்பு உயர் கல்வி அமைச்சகம், பொது சேவைகள் துறை மற்றும் தேசிய பேரிடர் மேலாண்மை நிறுவனம் உட்பட பல அமைச்சகங்கள் மற்றும் அரசு துறைகள் மற்றும் நிறுவனங்களில் பணியாற்றியுள்ளார்.
