புத்ராஜெயா:
2024 ஆம் ஆண்டுக்கான சிஜில் பெலஜாரன் மலேசியா உலங்கான் (SPMU) தேர்வு முடிவுகள் அக்டோபர் 1 ஆம் தேதி வெளியிடப்படும் என்று கல்வி அமைச்சகம் (MOE) தெரிவித்துள்ளது.
நாடு முழுவதும் 187 தேர்வு மையங்களில் 2024 SPMU தேர்வு எழுத மொத்தம் 8,195 விண்ணப்பதாரர்கள் பதிவு செய்துள்ளதாக இன்று வெளியிட்டுள்ள அறிக்கையில் தெரிவிக்கப்பட்டுள்ளது.
விண்ணப்பதாரர்கள் தங்களது SPMU தேர்வு முடிவுகளை myresultspmu.moe.gov.my என்ற இணையத்தள முகவரியில் அக்டோபர் 1 ஆம் தேதி காலை 10 மணி முதல் அக்டோபர் 7 ஆம் தேதி மாலை 6 மணி வரை ஆன்லைனில் பார்க்கலாம் என்று MOE தெரிவித்துள்ளது.
SPMUICCandidateNO எனத் தட்டச்சு செய்து 15888க்கு அனுப்புவதன் மூலம், SPMU தேர்வு முடிவுகளின் சுருக்கத்தைப் பெறுவதற்கு குறுஞ்செய்தி சேவை (SMS) மூலமும் பெற்றுக்கொள்ளலாம் என்றும், இந்த அமைப்பு அக்டோபர் 1 ஆம் தேதி காலை 10 மணி முதல் அக்டோபர் 7 ஆம் தேதி மாலை 6 மணி வரை செயல்படுத்தப்படும் என்றும் அது மேலும் தெரிவித்துள்ளது.
