கோலாலம்பூர்:
ஏறக்குறைய 73 கிலோ மெத்தாம்பேட்டமின் (Methamphetamine) போதைப்பொருளைக் கடத்தியதாகக் குற்றம் சாட்டப்பட்ட மூன்று நபர்கள் மீதான புகாரை அரசுத் தரப்பு நிரூபிக்கத் தவறியதால், அவர்களை விடுதலை செய்து ஷா ஆலம் உயர்நீதிமன்றம் உத்தரவிட்டுள்ளது.
அமீருதீன் அப்துல் ஹாதி (30), வி.விஜேந்திரன் நாயர் (35) மற்றும் பைஸ் அகமட் (36) ஆகிய மூவர் மீதும், கடந்த 2021-ஆம் ஆண்டு ஆகஸ்ட் 6-ஆம் தேதி கோம்பாக், தாமான் பத்து கேவ்ஸ் பகுதியில் போதைப்பொருள் கடத்தியதாகக் குற்றம் சுமத்தப்பட்டது.
நீதிபதி வெண்டி ஓய் (Judge Wendy Ooi) தனது தீர்ப்பில், அரசுத் தரப்பு முன்வைத்த வழக்கில் பல பலவீனங்கள் இருப்பதைச் சுட்டிக்காட்டினார்:
மேலும் கைப்பற்றப்பட்ட பெட்டிகளின் எண்ணிக்கை மற்றும் பொருட்கள் குறித்த சாட்சிகளின் வாக்குமூலங்களில் பெரும் முரண்பாடுகள் இருந்தன என்றும், போதைப்பொருள் கைப்பற்றப்பட்ட போது எடுக்கப்பட்ட புகைப்படங்கள் மற்றும் அசல் சிசிடிவி (CCTV) காட்சிகளைப் போலீசார் நீதிமன்றத்தில் சமர்ப்பிக்கத் தவறிவிட்டதாக அவர் சொன்னார்.
புலனாய்வு அதிகாரி பிரதிவாதிகள் தரப்பு சமர்ப்பித்த ஆதாரங்களைச் சரியாக ஆய்வு செய்யவில்லை. இது அரசுத் தரப்பு வழக்கின் நம்பகத்தன்மையைக் குறைப்பதோடு, குற்றம் சாட்டப்பட்டவர்களுக்குப் பாதிப்பை ஏற்படுத்தியுள்ளது.
இந்தக் குறைபாடுகளால், குற்றம் சாட்டப்பட்டவர்களின் தற்காப்பு வாதத்தைக் கூடக் கோர வேண்டிய அவசியம் இல்லை எனக் கருதிய நீதிமன்றம், மூவரையும் உடனடியாக விடுதலை செய்து உத்தரவிட்டது.
இந்த வழக்கு மரண தண்டனை அல்லது ஆயுள் தண்டனை வழங்கக்கூடிய 1952-ஆம் ஆண்டு அபாயகரமான போதைப்பொருள் சட்டத்தின் பிரிவு 39B(1)(a)-இன் கீழ் பதிவு செய்யப்பட்டிருந்தது குறிப்பிடத்தக்கது.
