தமிழகத்தில் 2,391 அரசு பள்ளிகளில் கழிப்பறை, குடிநீர் வசதி இல்லை!

தமிழகத்தில் உள்ள அனைத்து அரசு உயர்நிலை மேல்நிலைப் பள்ளிகளில் உள்கட்டமைப்பு வசதிகளை மேம்படுத்த மாணவர்களின் நலன், பாதுகாப்பு கருதியும் முதற்கட்டமாக கழிப்பறைகள், குடிநீர் வசதிகள், சுற்றுச்சுவர் அமைக்கப்பட வேண்டும்.

அந்த வகையில் கழிப்பறை, குடிநீர், சுற்றுச்சுவர் வசதிகள் இல்லாத பள்ளிகளின் பட்டியல் பெறப்பட்டிருக்கின்றன. அதன்படி தமிழகம் முழுவதும் 2 ஆயிரத்து 391 அரசு பள்ளிகளில் கழிப்பறை, குடிநீர் வசதி, சுற்றுச்சுவர் இல்லாதது தெரியவந்துள்ளது.

இந்தப் பட்டியலில் உள்ள பள்ளிகளைச் சுற்றியுள்ள கிராமங்களின் எண்ணிக்கை, அங்கு படிக்கும் மாணவ-மாணவிகளின் எண்ணிக்கை, கழிப்பறைகள் ஏற்படுத்த போதுமான வசதி இருக்கிறதா? என்பதை தெளிவாக குறிப்பிட்டு தெரிவிக்க வேண்டும் என அதில் தெரிவிக்கப்பட்டுள்ளது.