புத்ராஜெயா:
உள்நாட்டு வர்த்தகம், பய்னீட்டாளர் விவகாரத்துறை அமைச்சர் டத்தோ செரி அலெக்சாண்டர் நந்தா லிங்கி கூறுகையில், நவம்பர் 2016 முதல் சமையல் எண்ணெய் மானியம் ஒரு கிலோகிராம் (பாலிபேக் பேக்கேஜிங்கிற்கு) அளவுக்கு மட்டுமே என்று விளக்கினார்.
சமையல் எண்ணெய் உறுதிப் படுத்தல் திட்டம் (COSS) மூலம் இந்த நடைமுறை செயல்படுத்தப்படுகிறது என்றார். அவர். “ஒரு கிலோ பாக்கெட்டில் சமையல் எண்ணெய்க்கான மானியத்தை பராமரிப்பதே அரசாங்கத்தின் நோக்கமாகும்.
வீட்டு உபயோகத்திற்காக சமையல் எண்ணெய் விநியோகத்தை ஒரு கிலோவுக்கு வெ.2.50 என்ற மலிவு விலையில் மக்கள் இன்னும் பெற முடியும் என்பதை உறுதி செய்வதாகும் என்று அவர் கூறினார்.
அவரின் அறிக்கையில் சந்தையில் அதிக விலைக்கு விற்கப்படும் ஐந்து கிலோ பாட்டில் சமையல் எண்ணெயின் விலை குறித்து, சமூக ஊடக பயனர்கள் அளித்த புகார்களுக்கு பதிலளிக்கும் விதமாக, நந்தா இவ்வாறு கூறினார்.
தற்போது கிராமப்புறங்கள் உட்பட நாடு முழுவதும் விநியோகிக்க ஒவ்வொரு மாதமும் 60,000 டன் மானிய சமையல் எண்ணெய் வழங்கப்படுகிறது. இந்தத் தொகை மலேசியர்களின் பயன்பாட்டிற்கு போதுமானது என்றும் அவர் கூறினார்.
சமையல் எண்ணெய் உற்பத்தியாளர்கள் , பேக்கேஜிங் நிறுவனங்களை கண்காணித்தல், சமையல் எண்ணெய் விநியோக முறையை தணிக்கை செய்வதன் மூலம் சில்லறை விற்பனையாளர்கள், மொத்த விற்பனையாளர்கள், பல்பொருள் அங்காடிகளில் தினசரி ஆய்வுகளை மேற்கொள்வதன் மூலம் சந்தையில் மானிய விலையில் சமையல் எண்ணெய் வழங்கல் கிடைப்பதை உறுதி செய்வதில் அமைச்சகம் உறுதிபூண்டுள்ளது, என்றார் அவர்.
இதற்கிடையில், இயக்கம் கட்டுப்பாட்டு ஆணையின் (எம்.சி.ஓ) நிலையான இயக்க நடைமுறை (எஸ்ஓபி) க்கு இணங்க உடனடி மேம்பாடுகளைச் செய்ய மொத்தம் 477 வணிக வளாகங்களுக்கு எச்சரிக்கைகள் விடுக்கப்பட்டுள்ளதாகவும் நந்தா லிங்கி கூறினார்.
