கூச்சிங், ஜூலை 17:
ஜாலான் ஹாஜி பாக்கி என்ற இடத்தில் நேற்று இரவு ஆடவர் ஒருவர் ஓட்டி வந்த காருடன் நிலச்சரிவில் சிக்கி உயிரிழந்துள்ளார்.
சரவாக் தீயணைப்பு மற்றும் மீட்பு நடவடிக்கை மையத்தின் செய்தித் தொடர்பாளர் ஒருவர் இச்சம்பவம் பற்றிக் கூறுகையில், நேற்று நண்பகல் 12.30 மணியளவில் சாலையின் ஓரத்தில் ஏற்பட்ட நிலச்சரிவு குறித்து தாம் தகவல் ஒன்றைப் பெற்றதாகவும், அதில் சிக்கிய சாய் கியான் பாஹ் (63) என்பவர் காருடன் நிலச்சரிவுக்குள் விழுந்ததாகவும் கூறினார்.
மேலும் தாம் அந்த இடத்திற்கு வந்தபோது, மண்ணின் கட்டமைப்பின் நிலை நிலையற்றதாக இருப்பதையும், நிலச்சரிவுகள் நடந்திருப்பதையும் தாங்கள் கண்டறிந்தனர் என்றும் கூறினார்.
“தீயணைப்பு படை பலமணி நேர போராட்டத்தின் பின்னர், வாகனத்தின் கதவை வெட்ட சிறப்பு உபகரணங்களைப் பயன்படுத்தி காருக்குள் மயக்க நிலையில் இருந்த அந்த ஆடவரை இன்று அதிகாலை 2 மணியளவில் மீட்டனர்.
மேலும் மீட்கப்பட்ட ஆடவரை பரிசோதித்த பின்னர், பாதிக்கப்பட்டவர் இறந்தது உறுதி செய்யப்பட்டது. மேலதிக நடவடிக்கைகளுக்காக அவரது சடலத்தை போலீசாரிடம் ஒப்படைத்ததாகவும் அவர் கூறினார் என்பது குறிப்பிடத்தக்கது.