சுக்கை, ஆகஸ்டு 2:
கடந்த சனிக்கிழமை (ஜூலை 31) பண்டார் பாரு சேனே இன் சுங்கை செருல் ஆற்றில் குளித்தபோது, வலுவான நீரோட்டம் அல்லது நீர்ச்சுழலால் அடித்துச் செல்லப்பட்ட ஒருவர், நேற்று மாலை சடலமாக மீட்கப்பட்டார்.
திரெங்கானு தீயணைப்பு மற்றும் மீட்பு துறை (JBPM) பிரிவு 2 தலைவர் அஸ்மான் அலியாஸ் இது பற்றி கூறுகையில், மாலை 5.15 மணியளவில் முகமட் ஷாபிக் அப் லியாஹ் (20) என்பவரது சடலம் சுங்கை செருல் ஆற்றில் மிதப்பதை நீர் மீட்புக் குழுவினர் (PPDA) கண்டதாக அவர் கூறினார்.
மீட்புக் குழு படகைப் பயன்படுத்தி நீரின் மேற்பரப்பில் சுழல் நுட்பத்தைச் செய்தபின் பாதிக்கப்பட்டவரின் உடல் நீரின் மேற்பரப்பில் வெளிப்பட்டது.
“பாதிக்கப்பட்டவர் முழுமையாக உடையணிந்து காணப்பட்டார் மற்றும் அவரது உடல் மேலதிக நடவடிக்கைகளுக்காக மருத்துவமனைக்கு எடுத்துச் செல்ல போலீசாரிடம் ஒப்படைக்கப்பட்டது,” என்று அவர் கூறினார்.
சனிக்கிழமை மாலை, முகமட் ஷாபீக் உட்பட 13 முதல் 20 வயதுக்குட்பட்ட ஐந்து நண்பர்களுடன் சுங்கை செருல் ஆற்றில் குளித்தும் மீன்பிடித்துக்கொண்டும் இருந்தனர். திடீரென ஆற்றில் சுழல் போன்ற வலுவான நீரோட்டத்தால் பாதிக்கப்பட்டவர் அடித்துச் செல்லப்பட்டார். ஆனால் அதிஷ்டவசமாக மற்றவர்கள் தப்பிக்க முடிந்தது என்றும் அவர் தெரிவித்தார்.
