புத்ராஜெயா, ஏப்ரல் 20:
இன்று காலை 10 மணி நிலவரப்படி, பினாங்கில் உள்ள சுங்கை பக்காப் தற்காலிக குடிவரவு டிப்போவில் இருந்து, இன்று அதிகாலை 4.30 மணியளவில் தப்பிச் சென்ற 528 கைதிகளில் மொத்தம் 362 கைதிகள் மீண்டும் கைது செய்யப்பட்டனர்.
மலேசிய குடிவரவுத் துறையின் (JIM) இயக்குநர் ஜெனரல், டத்தோ ஸ்ரீ கைருல் டிசைமி டாவூட் கூறுகையில், ரோயல் மலேசியன் போலீஸ் (PDRM), மலேசிய தன்னார்வத் துறை (RELA) ஆகியவற்றின் ஒத்துழைப்புடன் மீதமுள்ள கைதிகளைத் தேடும் பணி தீவிரமாக நடைபெற்று வருகிறது என்றார்.
தடுப்புக் கதவு மற்றும் தடுப்பு கிரில்லை உடைத்துவிட்டு இவர்கள் அனைவரும் தப்பி ஓடிவிட்டனர் என்றார்.
அவரைப் பொறுத்தவரை, பணியில் உள்ள அதிகாரி, உதவிக்காக காவல்துறை மற்றும் தொடர்புடைய நிறுவனங்களைத் தொடர்புகொள்வதன் மூலம் நிலையான இயக்க நடைமுறைகளை (SOP) செயல்படுத்தினார்.
“தப்பியோடிய கைதிகளின் இருப்பிடம் பற்றிய தகவல் தெரிந்தவர்கள், JIM மற்றும் காவல்துறைக்கு தகவல் தெரிவிக்குமாறு கேட்டுக் கொள்ளப்படுகிறார்கள்” என்று அவர் இன்று வெளியிட்ட ஒரு அறிக்கையில் தெரிவித்துள்ளார்.
