Meta நிறுவன தலைமை செயல் அதிகாரி மார்க் ஜூக்கர்பர்க் டுவிட்டருக்கு போட்டியாக ‘Threads’ என்ற பெயரில் புதிய சமூக வலைத்தளத்தை அறிமுகம் செய்திருக்கிறார். இதில் உலகம் முழுவதும் பயனர்கள் இணைந்த வண்ணம் உள்ளனர். ‘Threads’ அறிமுகம் செய்யப்பட்ட 7 மணி நேரத்தில் அதில் சுமார் ஒரு கோடி பேர் இணைந்தது பெரிய சாதனையாக பார்க்கப்படுகிறது.
தோற்றத்திலும், பயன்பாடு விஷயத்திலும் டுவிட்டர் போன்றே உருவாகி இருக்கும் Threadsஐ Meta நிறுவனம் இன்ஸ்டாகிராமின் டெக்ஸ்ட் சார்ந்த உரையாடல் செயலி என்று தெரிவித்து இருக்கிறது. ‘Threads App’ அறிமுகம் செய்யப்பட்ட நாளில் உலகம் முழுவதும் சுமார் 40 மில்லியன் பதிவிறக்கங்கள் செய்யப்பட்டுள்ளன.
இந்நிலையில், புகழ்பெற்ற அளவீட்டு நிறுவனமான சென்சார் டவர் ‘Threads App ‘ பதிவிறக்கம் தொடர்பாக தரவுகளை வெளியிட்டது. அனைத்துலக அளவில் இந்தப் பதிவிறக்கங்களின் விநியோகம் இந்தியா மற்றும் பிரேசிலில் ஆதிக்கம் செலுத்தி, ஒட்டுமொத்த பதிவிறக்கங்களில் முறையே 22 விழுக்காடு மற்றும் 16 விழுக்காடு ஆகியவற்றை தொட்டது.
மறுபுறம், அமெரிக்கா ஒரு தனித்துவமான பகுதியைக் கொண்டு, சுமார் 5.5 மில்லியன் பதிவிறக்கங்களைக் குவித்தது. போக்கிமான் கோ மற்றும் கால் ஆப் டியூட்டி மொபைல் போன்ற குறிப்பிடத்தக்க கேம்களின் அறிமுக நாளில் பதிவிறக்கத்தின் எண்ணிக்கையை ‘Threads App ‘ விஞ்சியுள்ளது. அவை இரண்டு அறிமுக நாட்களில் 20 மில்லியனுக்கும் குறைவான பதிவிறக்கங்களையே பெற்றுள்ளன என்பது குறிப்பிடத்தக்கது.
