சமுக வலைத்தளத்தில் கொடிக்கட்டி பறக்கும் மெட்டா, டிவிட்டர் நிறுவனர்களான மார்க் ஜூக்கர்பெர்க் மற்றும் எலான் மஸ்க் மத்தியில் பல மாதங்களாக இருந்து வந்த சண்டை திடீரென காணமால் போனது. ஒருபக்கம் இருவரும் சண்டையிட அழைப்பு விடுத்து வந்தது குறிப்பிடத்தக்கது.
இதற்கு பழி வாங்கும் விதமாக X என அழைக்கப்படும் டிவிட்டரில் அடுத்தடுத்து புதிய சேவைகளை கொண்டு வர எலான் மஸ்க் திட்டமிட்டு உள்ளார். இதில் முக்கியமாக பல சேவைகள் பேஸ்புக், வாட்ஸ்அப் தளங்களில் இருக்கும் சேவைகளை ஒருங்கிணைத்து டிவிட்டர் அதாவது X தளத்தில் அளிக்கப்போவதாக தெரிகிறது. எக்ஸ் தளத்தின் சிஇஓ-வான லிண்டா யாக்கரினோ அடுத்து டிவிட்டரில் வரப்போகும் மாற்றங்கள், சேவைகள் குறித்து ஒரு டக்கரான வீடியோவை வெளியிட்டார்.
இதோடு புகைப்பட பதிவுகளுக்கு தனி முக்கியதுவம் மற்றும் மேம்பட்ட சேவைகள், இதைவிட முக்கியமாக பேமெண்ட் சேவை அதாவது டிவிட்டர் கணக்கு வைத்துள்ள வர்கள் மத்தியில் பேமெண்ட் சேவைகள், டிவிட்டர் பயனர்கள் பதிவிடும் அனைத் திற்கும் விளம்பர வருமானத்தில் பங்கீடு என பல முக்கிய சேவைகளை அறிமுகம் செய்து வாட்ஸ்அப், பேஸ்புக், இன்ஸ்டாகிராம் தளத்தில் இருக்கும் சேவைகளை மிக் சியில் போட்டு அடித்தது போல் டிவிட்டரில் அளிக்க உள்ளார் எலான் மஸ்க்.
டிவிட்டரில் இருக்கும் வாடிக்கையாளர்கள் எதாவது ஒரு வகையில் அதன் தளத்தை பயன்படுத்த வேண்டும் என்ற முக்கிய இலக்குடன் எலான் மஸ்க் டிவிட்டர் என்னும் X தளத்தை சூப்பர் ஆப் ஆக மாற்றும் இலக்கை நோக்கி ஒடிக்கொண்டு இருக்கிறார். விரைவில் எக்ஸ் தளத்தில் ஷாப்பிங் செய்யப்படும் வசதிகளும் வர உள்ளது குறிப்பிடத்தக்கது.