இரவு தூங்கும்போது காலுறை அணிந்து தூங்குவது குறித்து பல காலமாக விவாதம் நடந்து வருகிறது. சிலர் இரவில் காலுறைகளை அணிந்து தூங்குவதை வழக்கமாக வைத்திருக்கிறார்கள், மற்றவர்கள் தங்கள் கால்களில் காலுறைகளை அணிவது அசௌகரியமாக இருப்பதால் அதனைத் தவிர்க்கிறார்கள்.
இந்த இரவு நேர வழக்கத்தைப் பற்றி நீங்கள் தெரிந்து கொள்ள வேண்டிய அனைத்தும் இந்த பதிவில் உள்ளன, மேலும் அதன் எதிர்பாராத நன்மைகள், சாத்தியமான குறைபாடுகள் மற்றும் நிம்மதியான இரவு தூக்கத்திற்கு சிறந்த காலுறை எவ்வாறு தேர்வு செய்வது என்பதைப் பற்றி இதில் தெரிந்து கொள்ளலாம்.
விரைவான தூக்கம்
நீங்கள் படுக்கைக்கு முன் காலுறை அணிந்தால் நீங்கள் விரைவாக தூங்கலாம், இது அதன் எதிர்பாராத நன்மைகளில் ஒன்றாகும். 2007 இல் நடத்தப்பட்ட ஆய்வில், காலுறை எதுவும் அணியாதவர்களை விட, சூடான அல்லது வழக்கமான காலுறைகளை அணிந்தவர்கள் விரைவாக தூங்குவார்கள் என்று கண்டறியப்பட்டது. இதன் ரகசியம் உடலின் வெப்பநிலையைக் கட்டுப்படுத்தும் திறன் ஆகும். வாசோடைலேஷன் எனப்படும் ஒரு செயல்முறையைத் தூண்டுவதன் மூலம் அது இதைச் செய்கிறது.
மேலும் நீங்கள் படுக்கைக்குச் செல்வதற்கு முன் காலுறைகள் அணியும்போது, உங்கள் கால்களை சூடாவதால் உங்கள் மூளைக்கு இது தூங்குவதற்கான நேரம் என்பதற்கான சமிக்ஞையாக செயல்படும் என்றும் அந்த ஆய்வில் கூறப்பட்டுள்ளது.
குளிர்ச்சியை எதிர்த்துப் போராடுகிறது
காலுறை உங்கள் விரல்கள் மற்றும் கால்விரல்களில் உள்ள இரத்த நாளங்களை சூடாக வைத்திருப்பதால், ரேனாட் நோய் போன்ற நிலைமைகள் உள்ளவர்களுக்கு அவை நன்மை பயக்கும்.
காலுறை அணிவது வாசோடைலேஷன் செயல்முறைக்கு உதவுகிறது அல்லது உங்கள் இரத்த நாளங்களை திறக்க உதவுகிறது. விரிந்த இரத்த நாளங்கள் உங்கள் இரத்தத்தை உங்கள் உடலைச் சுற்றி பாய்வதை எளிதாக்குகின்றன. நல்ல இரத்த ஓட்டம் நீங்கள் தூங்கும் போது உங்கள் உடல் ஒரு சீரான வெப்பநிலையை பராமரிக்க உதவுகிறது.
குதிக்கால் வெடிப்பை சீர்செய்கிறது
வலிமிகுந்த குதிகால் வெடிப்பை மேம்படுத்துகிறது, அதாவது படுக்கைக்கு முன் உங்கள் கால்களில் ஈரப்பதமூட்டும் லோஷனைப் பயன்படுத்துங்கள், பின்னர் காட்டன் காலுறையை பயன்படுத்தினால், மென்மை மற்றும் மிருதுவான பாதங்களுக்கு வழிவகுக்கும்.
தூங்கும் போது காலுறை அணிவது பல நன்மைகளைக் கொண்டுள்ளது, ஆனால் இதில் சில குறைபாடுகளும் உள்ளன. உங்கள் காலுறைகள் செயற்கையாகவோ அல்லது அதிக தடிமனாகவோ இருந்தால், நீங்கள் அதிக வெப்பமடைய வாய்ப்பு உள்ளது. அதிகப்படியான வியர்வை உங்கள் தோலை எரிச்சலூட்டும் மற்றும் உங்கள் தூக்கத்தைக் கலைக்கலாம்.
மேலும் அழுக்கு அல்லது காற்றோட்டம் இல்லாத காலுறைகளை அணிவது பூஞ்சை மற்றும் பாக்டீரியா தொற்றுகளின் அபாயத்தை அதிகரிக்கிறது. அதெலெட்ஸ் பூட் மற்றும் செல்லுலிடிஸ் போன்ற சில பிரச்சினைகள் ஏற்படலாம். சுத்தமான மற்றும் காற்றோட்டம் உள்ள காலுறைகளை அணிவது, கிருமிகள் மற்றும் நாற்றங்களைத் தடுக்கும்.
அடுத்து இரத்த சுழற்சியை பாதிக்கலாம் மிகவும் இறுக்கமான காலுறைகளை அணிவது இரத்த ஓட்டத்தை பாதிக்கலாம், இது எடிமா, அசௌகரியம் அல்லது கால்களில் கூச்சம் போன்றவற்றை ஏற்படுத்தலாம். உங்கள் மருத்துவர் உங்களுக்கு அறிவுறுத்தாவிட்டால், அன்றைய இரவு காலுறைகளின் பயன்பாட்டைத் தவிர்க்கவும்.
