டோக்கியோ ஒலிம்பிக்ஸ் துவக்க விழாவில் சூரிய நமஸ்காரம் செய்யப்பட்டதாக கூறி வீடியோ வைரலாகி வருகிறது.
வைரல் வீடியோவை இணையத்தில் தேடிய போது, அது மங்கோலியாவில் எடுக்கப்பட்டது என தெரியவந்துள்ளது. 2015 ஆம் ஆண்டு பிரதமர் நரேந்திர மோடி மங்கோலியா சென்ற போது ஆர்ட் ஆப் லிவிங் சார்பில் ஏற்பாடு செய்யப்பட்டு இருந்த நிகழ்வில் இந்த வீடியோ எடுக்கப்பட்டு இருக்கிறது. இந்த வீடியோ மே 17, 2015 அன்று எடுக்கப்பட்டது என தெரியவந்துள்ளது.
போலி செய்திகளை பரப்பாதீர்கள். போலி செய்திகளால் பல்வேறு பாதிப்புகள் ஏற்படுகின்றன. சமயங்களில் போலி செய்தி பாதிப்பு காரணமாக உயிரிழப்புகளும் ஏற்பட்டு இருக்கின்றன.
