“பினாங்கு மாநிலம் இன்னும் கெடாவுக்குச் சொந்தமானது” என்று கூறியதற்காக கெடா மந்திரி பெசார் டத்தோஸ்ரீ முஹமட் சனுசி முஹமட் நோரை, டத்தோஸ்ரீ அன்வார் இப்ராஹிம் கடுமையாக சாடினார்.
“ஒரு தலைவர் பேசும்போது, அவர் அரசியலமைப்பைப் புரிந்து கொள்ள வேண்டும், ஒப்பந்தம் என்றால் என்ன என்பதைப் புரிந்து கொள்ள வேண்டும். இந்த ஒப்பந்தம் 300, 1,000 ஆண்டுகளுக்கு முன்பு கையெழுத்திடப்பட்டிருக்கலாம், ஆனால் மலாயா கூட்டமைப்பை நிறுவுவதற்கான இறுதி ஒப்பந்தம் உள்ளது, அது தெளிவாக உள்ளது.
“அரசியல் நாடகத்தின் அடிப்படையில் விஷயங்களைச் சொல்வது வேறு விஷயம், ஆனால் மந்திரி பெசார் என்ற முறையில், சட்டத்திற்குக் கட்டுப்படுவதே பொருத்தமானது என்று நான் நினைக்கிறேன்,” என்று அவர் நேற்று டேவான் பஹாசா டான் புஸ்டகாவில் கருத்தரங்கைத் தொடங்கிய பின்னர் செய்தியாளர்களிடம் கூறினார்.
இந்த விவகாரத்தில் கெடா சுல்தான் உட்பட அனைத்து மலாய் ஆட்சியாளர்களாலும் ஒப்புக் கொள்ளப்பட்ட அரசியலமைப்பு ஒப்பந்தத்தை அனைத்து தலைவர்களும் மதிக்க வேண்டும் என்று அன்வார் கூறினார்.
கெடாவிற்கும் பினாங்குக்கும் எல்லை இல்லை, ஏனெனில் பினாங்கு இன்னும் கெடாவிற்கு சொந்தமானது, மேலும் கெடா பேராக் மற்றும் பெர்லிஸுடன் மட்டுமே எல்லையைப் பகிர்ந்து கொள்கிறது என்று முஹமட் சனுசி நேற்றுக் கூறியதாகக் கூறப்படுகிறது.
