ஈப்போ மருத்துவமனையின் குழந்தைகள் பிரிவில் சிறு தீ விபத்து

ஈப்போ, ராஜா பெர்மைசூரி பைனூன் மருத்துவமனையின் குழந்தைகள் பிரிவில், சுவாசக் குழாய்  இயந்திரம் தீப்பிடித்ததைத் தொடர்ந்து சிறு தீ விபத்து ஏற்பட்டது. பேராக் தீயணைப்பு மற்றும் மீட்புத் துறையின் செயல்பாட்டு உதவி இயக்குநர் சபரோட்சி நூர் அஹ்மத், இந்தச் சம்பவம் திங்கட்கிழமை (செப்டம்பர் 7) இரவு சுமார் 11.15 மணியளவில் குழந்தைகள் பிரிவில் உள்ள சுவாச மற்றும் இரத்த இயக்கவியல் பிரிவில் நிகழ்ந்ததாகக் கூறினார்.

இயந்திரம் சுமார் 15% சேதமடைந்தது. ஆனால் யாருக்கும் காயம் ஏற்படவில்லை. தீயணைப்பு வீரர்கள் வருவதற்கு முன்பே, மருத்துவமனை ஊழியர்கள் இரண்டு தீயணைப்புக் கருவிகளைப் பயன்படுத்தி தீயை அணைத்தனர் என்று அவர் ஒரு அறிக்கையில் தெரிவித்தார்.

சிறந்த காற்றோட்டத்திற்கும் புகை வெளியேறுவதற்கும் வழிவகுக்கும் வகையில் தீயணைப்பு வீரர்கள் அறையின் அனைத்து கதவுகளையும் திறந்து வைத்திருந்தனர் என்று அவர் கூறினார். மேலும், செவ்வாய்க்கிழமை (செப்டம்பர் 8) அதிகாலை சுமார் 12.10 மணியளவில் இந்த மீட்புப் பணி முடிவடைந்ததாகவும் அவர் குறிப்பிட்டார்.

LEAVE A REPLY

Please enter your comment!
Please enter your name here