பாகன் செராய்.ஏப். 23-
மழைக்காற்றின் கோரத்தால் பாகன் செராய் ,பாரிட் புந்தார் நாடாளுமன்றத் தொகுதிகளில் 105 குடும்பங்களின் 54 வீடுகள் பலத்த சேதமடைந்தன. வீடுகளின் கூரைகள் பறந்தன.
நேற்று பிற்பகல் 3.30 மணி முதல் மாலை 4.30 மணி வரையில் ஏற்பட்ட புயலில் தொடர்ந்து, யாரும் வெளியேற்றப்படவில்லை என்று கிரியான் மாவட்ட பேரிடர் மேலாண்மைக் குழு செயலகத்தின் லெப்டினன்ட் நூர் ஹபீசா அல்லது நூர் உலின் இஸ்மாயில் தெரிவித்தார்.
பாகான் செராய் தொகுதியில் பாதிக்கப்பட்ட கிராமங்களில் கம்பபோங் பாரிட் அபு ஹசன், கம்போங் மாத்தாங் ஜெலுத்தோங், கம்போங் மாத்தாங் மெர்பாவ், கம்போங் பாரிட் ஹாஜி இஸ்மாயில் 1, 2 ,3, கம்போங் பாரிட் மெந்தாரா 1,2, கம்போங் அலோர் குபு, கம்போங் பாரிட் ஹாஜி அலி, கம்போங் சுங்கை பினாங், கம்போங் பாரிட் 3 , 4, கம்போங் சுங்கை புரோட்டன், கம்போங் தெலுக் மேடான், கம்போங் பாரிட் காப்பிஸ், கமபோங் பாரிட் ஹாஜி அமான் கம்பபோங் மஸ்ஜித் திங்கி ஆகியவை அடங்கும்.
பாரிட் புந்தார் தொகுதியில் பாதிக்கப்பட்ட கிராமங்கள் கம்போங் தானா கெபூன், பாரிட் தோக் நாகா , கம்போங் பாரிட் மாட் ஆலம் ஆகியவை.
பல மசூதிகளின் கூரைகளையும் புயல் சேதப்படுத்தியிருக்கிறது என்று அவர் இன்று ஓர் அறிக்கையில் தெரிவித்தார். கிரியான் மாவட்ட அதிகாரி மொஹமட் சப்லி பக்ரியைத் தொடர்பு கொண்டபோது, பாதிக்கப்பட்டவர்களுக்கு ரமலான் நோன்புக்கான ஏற்பாடுகளை எளிதாக்குவதற்காக மாவட்ட பேரிடர் நிதியிலிருந்து உடனடி உதவி வழங்கப்படும் என்றார்.
உதவியின் அளவு சேதத்தின் அளவைப் பொறுத்தது என்றார் அவர். பெரும்பாலான வீடுகளில் கூரைகள் சேதமடைந்திருக்கின்றன.
மாலை 3.30 மணியளவில் புயல் தாக்கி கூரையின் ஒரு பகுதியைக் சேதப்படுத்தியதில் எறிந்தபோது, அவரும் மற்ற நான்கு குடும்ப உறுப்பினர்களும் வீட்டில் இருந்ததாக கம்போங் பாரிட் ஹாஜி இஸ்மாயில் 3 கிராமத்தைச் சேர்ந்த கமால் அபாஸ் (47) தெரிவித்தார்
