வட மாநிலங்களைப் பொறுத்த வரை, வழக்கமாக செப்டம்பர் மாதம் முதலே குளிர்காலம் தொடங்கிவிடும். ஆரம்பத்தில் லேசான குளிருடன் தொடங்கி, பின்னர் நவம்பர், டிசம்பர் மாதங்களில் குளிர் உச்சத்தை தொடும்.
இந்நிலையில், டெல்லியில் நேற்று முன்தினம் இரவு குறைந்தபட்ச வெப்பநிலையாக 13.7 டிகிரி செல்சியஸ் (56.6 டிகிரி பாரன்ஹீட்) பதிவாகியுள்ளது. இவ்வாறு, அக்டோபர் மாதத்தில் குறைவான வெப்ப நிலைநிலவுவது 11 ஆண்டுகளுக்குப் பிறகு இதுவே முதல்முறை யாகும். 2009- ஆம் ஆண்டு அக்.26- ஆம் தேதி 13.5 டிகிரி செல்சியஸ் வெப்பநிலை பதிவானதே இதுவரை குறைந்தபட்ச வெப்பநிலையாக கருதப்படுகிறது.
