உருமாறிய கொரோனாக்கள் பல நாடுகளிலும் பரவிவருகின்றன.  இங்கிலாந்தில் பி 117, தென் ஆப்பிரிக்காவில் பி1351, பிரேசிலில் பி1, இந்தியாவில் பி 16172  என உருமாறிய கொரோனாக்கள் கண்டறியப்பட்டுள்ளன.

இப்படி பல வகை கொரோனாக்கள் கண்டறியப்பட்டாலும் அவை அனைத்துக்கும் எதிராக தடுப்பூசிகள் பலன் அளிக்கும் என  கூறப்படுகிறது.

கத்தார் நாட்டில் மேற்கொள்ளப்பட்ட ஆய்வு, பி117 வகை கொரோனாவுக்கு எதிராக பைசர், பயோ என்டெக் நிறுவனங்கள் உருவாக்கியுள்ள தடுப்பூசி 90 சதவீத செயல்திறனைக் கொண்டிருப்பதாக ஆய்வுகள் காட்டுகின்றன.

பைசர், பயோஎன்டெக் நிறுவனங்களின் தடுப்பூசியும், அஸ்ட்ரா ஜெனேகா தடுப்பூசியும் பி 16172 வகை கொரோனாவுக்கு எதிராக முறையே 88 சதவீதமும், 60 சதவீதம் செயல்திறனைக் கொண்டுள்ளன என இங்கிலாந்து சுகாதார துறையும் தெரிவித்திருக்கிறது.