மாராங்கின் கம்போங் அலோர் காலியில் உள்ள புதர் பகுதியில் அடையாளம் தெரியாத பெண்ணின் சடலம் இன்று கண்டெடுக்கப்பட்டது.
பிரதான சாலையில் இருந்து 30 மீட்டர் தொலைவில் உள்ள பகுதியில் பலா இலைகளைத் தேடிக்கொண்டிருந்த பொதுமக்களால் குறித்த சடலம் கண்டெடுக்கப்பட்டதாக மாராங் மாவட்ட காவல்துறைத் தலைவர், துணைக் கண்காணிப்பாளர் முகமட் ஜைன் மாட் டிரிஸ் கூறினார்.
இன்று பிற்பகல் 2.30 மணியளவில், சடலம் கண்டுபிடிக்கப்பட்டது தொடர்பில் காவல்துறைக்கு தகவல் கிடைத்தது என்றும், உடனே அந்த இடத்திற்கு சென்ற காவல்துறையின் குழு, மல்லாக்க படுத்த நிலையில் இருந்த சடலத்தை கண்டது என்றும் கூறினார்.
“பாதிக்கப்பட்டவர் கருப்பு நிற நீண்ட கால்சட்டை, இளஞ்சிவப்பு நிற நீண்ட கை சட்டை மற்றும் கருப்பு நிற முக்காடு அணிந்திருந்தார்.
“அந்த இடத்தில் இறப்பதற்கு முன் போராடியதற்கான அறிகுறிகள் அல்லது இரத்தக் கறைகள் எதுவும் இல்லை, அதே நேரத்தில் தடயவியல் குழுவின் உடலைப் பரிசோதித்ததில் குற்றத்தின் எந்த கூறுகளும் கண்டறியப்படவில்லை” என்று அவர் இன்று வெளியிட்டுள்ள ஒரு அறிக்கையில் தெரிவித்தார்.
மேலும் தங்க மோதிரம் மற்றும் நெக்லஸை அணிந்துள்ளார், மேலும் குற்றவியல் கூறுகளுடன் தொடர்புபடுத்தக்கூடிய எந்த உடல் ஆதாரமும் அந்த இடத்திற்கு அருகில் இல்லை என்றும் கூறிய அவர், “பாதிக்கப்பட்டவர் நான்கு நாட்களுக்கு முன்பு இறந்தார் என நம்பப்படுகிறது என்றும், அவரது உடலின் நிலை மற்றும் அவரது மரணம் குற்றமா என்பது உட்பட மேலதிக விசாரணைகள் இன்னும் மேற்கொள்ளப்பட்டு வருகின்றன,” என்று அவர் கூறினார், தற்போது வழக்கு திடீர் மரணம் என வகைப்படுத்தப்பட்டுள்ளது.
பெண் குடும்ப உறுப்பினர்களை இழந்தவர்கள் மாராங் மாவட்ட காவல்துறை தலைமையகத்தை 09-6182222 என்ற எண்ணில் தொடர்பு கொள்ளுமாறு அவர் கேட்டுக் கொண்டார்.
