பினாங்கு ஜசெக துணைத் தலைவர் பி.ராமசாமி, வரும் மாநிலத் தேர்தலில் வேட்பாளராக நிறுத்தப்படாததைத் தொடர்ந்து அவர், பெரிக்காத்தான் நேஷனல் தலைவர் முஹிடின் யாசினைச் சந்திக்கப் போவதாக வந்த வதந்திகளை நிராகரித்துள்ளார். ராமசாமி PN மற்றும் அதன் தலைவர்களை கடுமையாக விமர்சிப்பவர்களில் ஒருவராக இருந்ததால், அது வதந்திகள் என்று கூறினார். நான் இன்னும் ஜசெக உறுப்பினராகவும் மாநில ஜசெக துணைத் தலைவராகவும் இருக்கிறேன். தற்போதைய சூழ்நிலையில், வரவிருக்கும் தேர்தல்களில் நான் PN உடன் இணைந்து பணியாற்றலாம் என்று கூறுவது போலியான செய்தியாகும் என்று அவர் மலேசியாகினியிடம் கூறினார்.
செவ்வாயன்று, ஜசெக மாநிலத் தேர்தலுக்கு 19 வேட்பாளர்களை அறிவித்தது. காபந்து மாநில அரசாங்கத்தில் ஐந்து நிர்வாக கவுன்சிலர்கள் உட்பட ஏழு முன்னாள் சட்டமன்ற உறுப்பினர்கள் நீக்கப்பட்டனர். ப்ராயில் மூன்று முறை சட்டமன்ற உறுப்பினராக இருந்த ராமசாமி, 2008 இல் முதன்முதலில் வெற்றிபெற்று. காபந்து மாநில அரசாங்கத்தில் துணை முதல்வராக இருந்தார் என்பது குறிப்பிடத்தக்கது. வேட்பாளர் அறிவிப்புகளில் வெளிப்படைத்தன்மை மற்றும் நிலைத்தன்மை இல்லாததைக் காரணம் காட்டி, 2005இல் இணைந்த அதே கட்சியாக இன்றும் டிஏபி இருக்கிறதா என்ற கேள்வியையும் ராமசாமி எழுப்பினார்.
கட்சியின் புத்துணர்ச்சியை மேற்கோள் காட்டி, பல பதவியில் இருந்தவர்கள் கைவிடப்பட்டனர். ஆனால் உண்மை என்னவென்றால், பல இளைய வேட்பாளர்கள் கைவிடப்பட்டு, அவர்களுக்குப் பதிலாக மிகவும் வயதான வேட்பாளர்கள் சேர்க்கப்பட்டனர் என்று அவர் மேற்கோள் காட்டினார். கடந்த மாதம், மாநிலத் தேர்தலுக்கான டிஏபி வேட்பாளர்களின் பட்டியலை போலியானது என்று கட்சி நிராகரித்தது, ஆனால் நேற்றைய பட்டியல் கிட்டத்தட்ட அதே மாதிரியாக இருந்தது.
பதவி நீக்கம் செய்யப்பட்டவர்களுக்கான டிஏபி தலைமையின் விளக்கம் ஒரு “சாக்குபோக்கு” போல் இருப்பதாகவும் அவர் கூறினார். அவர்கள் (ஜசெக) செயல் மிகவும் வெளிப்படையானதாக இருக்க வேண்டும். மேலும் (பட்டியலை) இறுதி செய்வதற்கு முன் எங்களை (இறக்கப்பட்ட பதவியில் உள்ளவர்களை) சந்திப்பதாகும் என்று அவர் கூறினார்.
