கோத்த கினபாலு, ஜாலான் சுலமானில் உள்ள வணிக வளாகத்தின் இரண்டாவது மாடியில் இருந்து விழுந்து ஒருவர் பலத்த காயமடைந்தார். இந்த சம்பவம் எப்படி நடந்தது என்பதை உடனடியாக கண்டறிய முடியவில்லை. ஆனால் 22 வயதான அந்த நபர் கார் நிறுத்துமிடத்தில் விழுந்து கிடந்தார். கோத்த கினாபாலு தீயணைப்பு மற்றும் மீட்புத் துறைத் தலைவர் ஆர்டின் கிலு கூறுகையில், காலை 10.34 மணிக்கு சம்பவம் குறித்து தங்களுக்கு அழைப்பு வந்தது. அவசர மருத்துவ மீட்பு சேவை குழுவினர் (EMRS) உடனடியாக சம்பவ இடத்திற்கு அனுப்பப்பட்டதாக அவர் கூறினார்.
எங்கள் குழு பின்னர் கயிறுகள் மற்றும் ஒரு ஸ்ட்ரெச்சரைப் பயன்படுத்தி பாதிக்கப்பட்டவரை கவனமாக முதல் மாடிக்கு தூக்கி வந்தனர் என்று அவர் கூறினார். EMRS பிரிவு பாதிக்கப்பட்டவருக்கு ஆரம்ப சிகிச்சையை மேற்கொண்டது. அவர் விழுந்ததில் அவரது இடுப்பு மற்றும் கால் உடைந்ததாக நம்பப்படுகிறது என்று கிலு கூறினார். பின்னர் மேல் சிகிச்சைக்காக மருத்துவமனைக்கு கொண்டு செல்ல காத்திருந்த ஆம்புலன்சில் அந்த நபர் கொண்டு செல்லப்பட்டார் என்று அவர் கூறினார். மேலும் பாதுகாப்பு அபாயங்கள் எதுவும் இல்லை என்று மீட்புக் குழுவினர் கண்டறிந்ததை அடுத்து காலை 11.50 மணிக்கு நடவடிக்கை முடிவடைந்தது என்றும் அவர் கூறினார்.
