சென்னை:
உலகிலேயே முதல்முறையாக தியேட்டர்களில் தணிக்கை சான்றிதழ் இணைக் கப்பட்டு பர்ஸ்ட் லுக் வெளியிடப்பட்டு சாதனை படைத்த ராதாகிருஷ்ணன் பார்த்திபனின் சாகச திரில்லர் படமான ‘டீன்ஸ்’ படத்தின் ஆடியோ மற்றும் டிரைலர் வெளியீட்டு விழா சென்னை தியேட்டர் ஒன்றில் நடந்தது.
மணிரத்னம் வெளியிட்டார். ஒரேநாளில் ஒரே இடத்தில் அதிக இசை வெளியீட்டு நிகழ்ச்சி நடத்தப்பட்ட படம் என்பதற்கான சான்றிதழை உலக சாதனைகள் சங்கம் வழங்கியது.
காவ்மிக் ஆரி ஒளிப்பதிவு செய்துள்ளார். இமான் இசை அமைத்துள்ளார். விழாவில் கே.பாக்யராஜ், பூர்ணிமா பாக்யராஜ், மதன் கார்க்கி, கே.எஸ். ரவிகுமார், யோகி பாபு, அக்ஷயா உதய குமார், புகழ், வனிதா விஜயகுமார், கவுரவ் நாராயணன், சக்திவேலன், விதார்த், சரண், பேரரசு, ரோபோ சங்கர், தம்பி ராமய்யா, லிடியன் நாதஸ்வரம் கலந்துகொண்டனர்.