எஸ்பிஎம் (SPM) அல்லது அதற்கு இணையான கல்வி அரசாங்க வேலைக்கான குறைந்தபட்ச நுழைவுத் தகுதியாக உயர்த்த அரசாங்கம் ஒப்புக்கொண்டுள்ளது என்று பிரதமர் டத்தோஸ்ரீ அன்வார் இப்ராஹிம் தெரிவித்தார். அன்வாரின் கூற்றுப்படி, இந்த நடவடிக்கையானது அரசாங்க பணியாளர்களின் செயல்திறன், உற்பத்தித்திறன் மற்றும் மேம்படுத்தல் ஆகியவற்றை உறுதி செய்வதை நோக்கமாகக் கொண்டுள்ளது.
இது அதிகாரிகளிடையே பணி, திறன்களை ஊக்குவிக்கும். மேலும் அரசு ஊழியர்களின் பயன்பாட்டை மேம்படுத்தலாம் என்று வெள்ளிக்கிழமை (ஆகஸ்ட் 16) புத்ராஜெயா அனைத்துலக மாநாட்டு மையத்தில் (PICC) அரசு ஊழியர்களுக்கு உரையாற்றியபோது அன்வார் கூறினார். இதற்கிடையில், பொது சேவையின் தேவைகளை அடிப்படையாகக் கொண்டு விரிவான முறையில் பதவிகளின் தரத்தை தரப்படுத்தவும் மறுவகைப்படுத்தவும் அரசாங்கம் ஒப்புக்கொண்டதாக அன்வார் கூறினார்.
தொழில்நுட்ப வளர்ச்சி, தற்போதைய கல்விக் கொள்கைக்கு ஏற்ப, அரசாங்க சேவையில் சிறந்த திறமையாளர்களைப் பெறுவதற்காக 17 அரசுப் பணிகளுக்கான நியமன நிபந்தனைகளில் திருத்தம் செய்யப்பட்டுள்ளது என்று அன்வர் மேலும் கூறினார். அமைச்சகங்கள் மற்றும் அரசு நிறுவனங்களில் ஏற்படக்கூடிய பணியாளர்கள் சம்பந்தப்பட்ட “சமநிலையின்மைகளை” அடையாளம் காண, பொது சேவைத் துறை (JPA) ஒரு விரிவான பணியாளர் தணிக்கையை நடத்த வேண்டும் என்றும் அன்வார் விரும்புகிறார்.
