பண்டார் சன்வே அருகே நடந்த துப்பாக்கிச் சூட்டில் கொல்லப்பட்ட கொள்ளையனை 2018 ஆம் ஆண்டு முதல் போலீசார் தேடி வந்தனர் என்று புக்கிட் அமான் தெரிவித்துள்ளது. புக்கிட் அமான் சிஐடியின் இயக்குநர் டத்தோஸ்ரீ முகமட் ஷுஹைலி முகமட் ஜைன், சந்தேக நபர் பல வழக்குகளைக் கொண்ட ஒரு பெரிய கொள்ளைக் கும்பலை சேர்ந்தவன் என்று அவர் கூறினார். இந்த குழு சிலாங்கூர் மற்றும் கோலாலம்பூர் பகுதியில் செயல்படுவதாக நம்பப்படுகிறது. எங்கள் கோலாலம்பூர் சகாக்களிடமிருந்து எங்களுக்குத் தகவல் கிடைத்தது. புக்கிட் அமான் இந்த நடவடிக்கையை ஒருங்கிணைத்தபோது சிலாங்கூர் காவல்துறையுடன் இணைந்து பணியாற்றியது.
சம்பவத்தின் போது, சந்தேக நபரை நிறுத்துமாறு அறிவுறுத்தப்பட்டது. ஆனால் அவர் மறுத்துவிட்டார். பின்னர் அவர் போலீஸ் கார் மீது இரண்டு முறை துப்பாக்கியால் சுட்டார் என்று அவர் புதன்கிழமை (ஆகஸ்ட் 20) இரவு சம்பவ இடத்தில் செய்தியாளர்களிடம் கூறினார்.
சந்தேக நபர், 30 களின் பிற்பகுதியிலிருந்து 40 களின் முற்பகுதிக்கு இடைப்பட்ட வயதுடையவர் “சில காலமாக” நாட்டில் இருந்ததாக நம்பப்படுகிறது. கும்பலில் மீதமுள்ள உறுப்பினர்கள் பற்றி கேட்டபோது, ஷுஹைலி தற்போதைய நிலவரப்படி சுமார் 10 பேர் இருப்பதாக காவல்துறை நம்புகிறது. ஆனால் அது அதிகமாகவோ அல்லது குறைவாகவோ இருக்கலாம். அனைத்து வெளியேறும் புள்ளிகளும் (நாட்டின்) கண்காணிக்கப்படுகின்றன என்று அவர் கூறினார்.
குழுவின் செயல்பாட்டில், குழுவானது நகைகளை விற்பது அல்லது பணத்தை மாற்றுவது போன்ற சேவைகளை ஆன்லைனில் வழங்கும் என்று ஷுஹைலி கூறினார். அவர்கள் ஒரு வாகனத்துடன் வேறொரு இடத்திற்கு பாதிக்கப்பட்டவர்களை அழைத்து செல்வதற்கு முன்பு ஒரு ஹோட்டலில் பாதிக்கப்பட்டவர்களைச் சந்திப்பார்கள். அங்கு சென்றதும் மற்ற உறுப்பினர்கள் பாதிக்கப்பட்டவரிடம் கொள்ளையடிக்க வாகனத்திற்குள் நுழைவார்கள்.
