எஸ்பிஎம் (SPM) வரலாற்றுத் தாள்கள் 1 மற்றும் 2 இல் கசிவு ஏற்பட்டதாக வெளியான செய்தியை கல்வி அமைச்சகம் இன்று மறுத்துள்ளது. ஸ்கிரீன் ஷாட்கள் மற்றும் பதிவுகள் ஆன்லைனில் பரவிய பின்னர் நடத்தப்பட்ட முழுமையான விசாரணையில், அந்தக் கூற்றுக்கள் ஆதாரமற்றவை என்று தெரியவந்துள்ளது. பரப்பப்பட்ட ஸ்கிரீன் ஷாட்களில் வரலாற்றுப் பாடப்புத்தகத்திலிருந்து சாத்தியமான கணிப்புகள் என ஊகிக்கப்பட்ட தலைப்புகளின் பட்டியல் மட்டுமே இடம்பெற்றிருந்தது.
2024 SPM வரலாற்றுத் தாள்கள் 1 மற்றும் 2 இல் இருந்து எந்த உண்மையான கேள்விகளும் எந்தவொரு வைரல் பதிவுகள் அல்லது ஸ்கிரீன் ஷாட்களிலும் இடம்பெறவில்லை” என்று அது ஒரு அறிக்கையில் தெரிவித்துள்ளது. தேர்வு வாரியத்தால் நிர்ணயிக்கப்பட்ட நடைமுறைகளின்படி தேர்வுத் தாள் கசிவுக்கான அதிகாரப்பூர்வ வரையறையை இந்தக் கூற்றுகள் பூர்த்தி செய்யவில்லை என்று அது கூறியது.
SPM மாணவர்கள் அமைதியாகவும், தேர்வுகளுக்குத் தயாராவதில் கவனம் செலுத்தவும் அறிவுறுத்தியது. பொதுத் தேர்வுத் தாள்களின் ரகசியத்தன்மையை நிலைநிறுத்துவதற்கு கல்வி அமைச்சகம் தொடர்ந்து உறுதிபூண்டுள்ளது. மேலும் 2024 SPM மாணவர்கள் அனைவரின் நலனும் உறுதியளிக்கப்படுகிறது என்று அது கூறியது.
