எதிர்க்கட்சி நாடாளுமன்ற உறுப்பினர்களின் ஒதுக்கீடுகள் குறித்து விவாதிக்க பெரிக்காத்தான் நேஷனல் இந்த வாரம் அரசாங்கத்திற்கு ஒரு கடிதம் அனுப்பும். எதிர்க்கட்சி நாடாளுமன்ற உறுப்பினர்களின் ஒதுக்கீடுகள் குறித்து அரசாங்கத்திடமிருந்து விரிவான தகவல்களைப் பெறுவதே இந்தக் கடிதத்தின் நோக்கமாகும் என்று பெரிக்காத்தான் தலைமை கொறடா தக்கியுதீன் ஹாசன் கூறினார்.
(முன்னாள் பிரதமர்) இஸ்மாயில் சப்ரி யாக்கோப்பின் நிர்வாகத்தின் போது, நாங்கள் (PN) அவர்களை (எதிர்க்கட்சியை) ஒரு குழுவை அமைக்க அழைத்தோம்.
இப்போது, திடீரென்று, அவர்கள் எங்களுக்கு ஒரு வரைவை அனுப்பினர். நான் மேற்கொண்டு கருத்து சொல்ல விரும்பவில்லை என்றார் அவர். அரசாங்கத்தின் திட்டங்களை முன்வைக்க முதலில் ஒரு குழு அமைக்கப்பட்டிருக்க வேண்டும், நாங்கள் அதை ஏற்றுக்கொண்டோமா இல்லையா என்பது குறித்து முடிவு செய்திருக்க வேண்டும் என்று கிளந்தானின் கோத்தா பாருவில் நடந்த ஒரு மன்றத்திற்குப் பிறகு தக்கியுதீன் செய்தியாளர்களிடம் கூறியதாக உத்துசான் மலேசியா மேற்கோள் காட்டியது.
கடந்த மாதம், எதிர்க்கட்சி நாடாளுமன்ற உறுப்பினர்களுக்கான ஒதுக்கீடுகள் குறித்த திட்டங்களைப் பற்றி விவாதிக்க ஒரு குழுவை அமைக்க அரசாங்கம் ஒப்புக்கொண்டதாக துணைப் பிரதமர் ஃபடில்லா யூசோப் கூறினார்.நெஎதிர்க்கட்சிகளின் முன்மொழிவுகளை குழு கவனமாக மதிப்பிட்டு, விரிவான, ஒருமித்த கருத்தை அடிப்படையாகக் கொண்ட தீர்வை எட்ட வேண்டும் என்று அவர் கூறினார்.
முன்னதாக, தனது நாடாளுமன்ற உறுப்பினர்களுக்கான ஒதுக்கீடுகள் தொடர்பான அரசாங்கத்தின் வரைவு புரிந்துணர்வு ஒப்பந்தத்தை பெரிக்காத்தான் நிராகரித்தது. எதிர்க்கட்சி நாடாளுமன்ற உறுப்பினர்கள் தங்கள் தொகுதிகளுக்கான ஒதுக்கீடுகளைப் பெறுவதற்கு அவரை ஆதரிக்க வேண்டும் என்ற நிபந்தனைகள் எதுவும் இல்லை என்று பிரதமர் அன்வார் இப்ராஹிம் கூறியிருந்தார்.
