மலேசிய ஊழல் தடுப்பு ஆணையத்தால் (MACC) குற்றவியல் நம்பிக்கை மோசடி குற்றச்சாட்டை எதிர்கொள்ள தேடப்படும் முன்னாள் பிரதமரின் மருமகன் தற்போது வெளிநாட்டில் இருப்பதை போலீசார் உறுதிப்படுத்தியுள்ளனர். தொழிலதிபரான அந்த நபருக்கு கைது வாரண்ட் பிறப்பிக்கப்பட்டுள்ளதாக காவல்துறைத் தலைவர் டத்தோஸ்ரீ முகமட் காலித் இஸ்மாயில் தெரிவித்தார். ஆனால் அவர் வசிக்கும் நாட்டின் அதிகாரிகளின் ஒத்துழைப்பு மேலும் நடவடிக்கைக்கு தேவை.
இந்த விஷயத்தைத் தீர்க்க நாங்கள் எங்களால் முடிந்த அனைத்தையும் செய்வோம். இதுவரை, இன்டர்போலில் இருந்து எங்களுக்கு எந்த தகவலும் கிடைக்கவில்லை. ஒருவேளை MACC இந்த விவகாரம் குறித்து மேலும் தெளிவுபடுத்தக்கூடும் என்று அவர் இன்று கோலாலம்பூர் மாநாட்டு மையத்தில் 47ஆவது ஆசியான் உச்சநிலை மாநாட்டுடன் இணைந்து ஏற்பாடுகள் முன்னோட்டத்தை கவனித்த பின்னர் செய்தியாளர்களிடம் கூறினார்.
புக்கிட் அமான் போக்குவரத்து புலனாய்வு மற்றும் அமலாக்கத் துறை (JSPT) இயக்குநர் டத்தோஸ்ரீ முகமட் யூஸ்ரி ஹசன் பஸ்ரி, கோலாலம்பூர் காவல்துறைத் தலைவர் டத்தோ ஃபாடில் மார்சஸ், புக்கிட் அமான் உள்நாட்டுப் பாதுகாப்பு, பொது ஒழுங்குத் துறை (KDNKA) துணை இயக்குநர் டத்தோ ஃபிசோல் சாலே ஆகியோரும் உடனிருந்தனர்.
இன்று முன்னதாக, இரண்டு ஆண்டுகளுக்கு முன்பு தப்பி ஓடிய தொழிலதிபர், மேற்கு ஆசிய நாட்டில் ஆடம்பரமான வாழ்க்கை முறையை வாழ்ந்து வருவதாக நம்பப்படுகிறது என்று தெரிவிக்கப்பட்டது. உள்ளூர் செய்தித்தாளில் பகிரப்பட்ட பல புகைப்படங்கள் அவர் பல மேற்கு ஆசிய பிரமுகர்களுடன் பழகுவதைக் காட்டியது.
