மரங்கள், செடிகள், தாவரங்கள் சுற்றுச்சூழலைப் பாதுகாக்கின்றன, நேர்மறை எண்ணத்தைக் கொண்டு வருகின்றன.

அவை சுற்றுச்சூழலுக்கு புதிய புத்துணர்ச்சியைக் கொண்டு வந்து அழகாக ஆக்குகின்றன. ஆனால் உங்கள் உயிரை பறிக்கக்கூடிய சில தாவரங்கள் உள்ளன என்பதை பலர் அறிந்திருக்கமாட்டார்கள்!

உலகின் சில மரங்களும் தாவரங்களும் நச்சுத்தன்மையுள்ளவை, அவை சில நொடிகளிலேயே கொல்லும். இதுபோன்ற 5 விஷத் தாவரங்களைப் பற்றிப் பார்க்கலாம்.

தற்கொலை மரம் (Suicide Tree)

ஆபத்தான, விஷத் தாவரங்கள் பட்டியலில் முதலில் வருவது தற்கொலை மரம். இது கேரளா,  சுற்றியுள்ள கடலோர பகுதிகளில் காணப்படுகிறது. இந்த இலை கேரளாவில் பல இறப்புகளை ஏற்படுத்தியுள்ளது. இது இதயத்திற்கும் சுவாசத்திற்கும் மிகவும் நச்சுத்தன்மையளிக்கும்.

கானர் (Kaner)

கானர் மரம் பெரும்பாலும் பலரின் தோட்டத்தில் காணப்படும். மேலும் அதன் மஞ்சள் பூக்களும் பார்ப்பதற்கு அழகாக இருக்கும். ஆனால் இந்த மரம் மிகவும் விஷமானது என்பது சிலருக்குத் தெரியும்.

கானர் மரத்தின் இலை மிகவும் ஆபத்தான, கொடிய தாவரமாக கருதப்படுகிறது. இதன் வாசம் வாந்தி, தலைச்சுற்றல் போன்ற பல சிக்கல்களை ஏற்படுத்தும்.

ஒரு நபர் தற்செயலாக அதை உட்கொண்டால், அவர் கோமா நிலைக்கு செல்லலாம். இந்த இலையை தொட்டால் அரிப்பு ஏற்படும்.. கொடிய விஷம் கொண்ட இந்த தாவரத்தின் பூவில் அமர்ந்த தேனீயிலிருந்து தேன் சாப்பிடுவது ஒரு நபரை நோய்வாய்ப்படுத்தும்.

ரோசரி பி (Rosary p)

மற்றொரு கொடிய விஷத்தன்மை கொண்ட இலை ரோசரி பி. ஏனெனில் அதன் விதைகள் நகைகள், ஜெபமாலைகளுக்கு பயன்படுத்தப்படுகின்றன. இதனால், விதை தொடுவதற்கு ஆபத்தானது அல்ல, ஆனால் அதை உடைப்பது அல்லது மெல்லுவது மிகவும் ஆபத்தானது.

அதில் காணப்படும் எப்ரின் என்ற நச்சுப் பொருள், ஒரு மனிதனைக் கொல்ல 3 மைக்ரோகிராம் மட்டுமே போதுமானது.

ஆமணக்கு விதை (Castor Bean)

ஆமணக்கு பற்றி பெரும்பாலான மக்களுக்கு தெரிந்திருக்கும்.. ஆமணக்கு விதைகளிலிருந்து ஆமணக்கு எண்ணெய் எடுக்கப்படுகிறது.

ஆனால் ஆமணக்கு விதைகள் அதிக நச்சுத்தன்மை கொண்டவை. அதன் விதைகள் மிகவும் விஷமானவை.ஓரு குழந்தை, ஒன்று அல்லது இரண்டு விதைகளை சாப்பிட்டாலே உயிரிழந்துவிடும்.. எட்டு விதைகளை சாப்பிட்டால் வயதானவர் கூட இறந்துவிடுவர்.

இதில் உள்ள நச்சுத்தன்மை மரபணுக்களுக்குள் புரதங்களை உருவாக்கும் செயல்முறையைத் தடுக்கிறது. இதன் காரணமாக, முதலில் வயிற்றுப் போக்கை ஏற்படும். பின்னர் அது நபரின் மரணத்திற்கு வழிவகுக்கிறது.

வெள்ளை ஸ்னாக்ரூட் (White Snackroot)

முன்னாள் அமெரிக்க அதிபர் ஆபிரகாம் லிங்கனின் தாயார் நான்சி ஹாங்க்ஸ் இந்த விஷ செடி காரணமாக தான் இறந்தார். சிறிய வெள்ளை பூக்களைக் கொண்ட இலை இது. இதில் ஒரு நச்சு ஆல்கஹால் ட்ரேமடோல் காணப்படுகிறது.

எனினும் ஆபிரகாம் லிங்கனின் தாய் செடியால் நேரடியாக இறக்கவில்லை, ஆனால் அந்த செடியை சாப்பிட்ட பசுவின் பாலை குடித்தார். பாலில் கலந்திருந்த விஷம் காரணமாகவே அவர் உயிரிழந்தார்.

ஒரு விலங்கு இந்த செடியை சாப்பிட்டால், அதன் இறைச்சி , பாலை உட்கொள்ளும் நபருக்கு கூட விஷம் பரவுகிறது.