“Green Pass” இன்றி சென்ற இத்தாலிய செனட்டர் ஒருவர், 10 நாட்களுக்கு பணி இடைநீக்கம் செய்யப்பட்டார்

ரோம்: இத்தாலி நாட்டின் செனட்டர் ஒருவர், கோவிட்-19 தடுப்பூசி நிலையை காட்டும் கிரீன் பாஸ் (green pass) இன்றி செனட் கட்டிடத்திற்குள் நுழைந்ததன் காரணமாக அவர் 10 நாட்களுக்கு இடைநீக்கம் செய்யப்பட்டார்.

இத்தாலியில் தற்போது ‘கிரீன் பாஸ்’ நடைமுறை அனைத்து பணியிடங்கள் , வணிக வளாகங்களில் கட்டாயமாக உள்ளது.

மேலும் லாரா கிரனாடோ (51) என்ற செனட்டர் இடைநீக்கம் செய்யப்பட்டுள்ள 10 நாட்களுக்கான உதவித்தொகைக்கும் தகுதியற்றவர் என்று கூறப்படுகிறது.

“கிரீன் பாஸ்” என்பது ஒரு நபரின் தடுப்பூசி நிலைக்கு சான்றாகும், மேலும் கோவிட்-19 க்கு எதிர்மறை முடிவு அல்லது கோவிட் -19 தொற்றிலிருந்து மீண்டு வருவது போன்ற கோவிட்-19 தொடர்பான விபரங்களை உள்ளடக்கியுள்ளது.

கடந்த வெள்ளிக்கிழமை முதல், இத்தாலியின் அரசு மற்றும் தனியார் துறைகளில் நடவடிக்கை மேற்கொள்ள இந்த கிரீன் பாஸ் கட்டாயமாக்கப்பட்டுள்ளது.

இந்தக் கொள்கைக்கு ஆட்சேபனைகள் இருந்தபோதிலும், தடுப்பூசி விகிதங்களை அதிகரிக்கவும் மற்றும் நாட்டில் பூட்டுதல்களைத் தவிர்ப்பதற்காகவே நடவடிக்கை அமல்படுத்தப்பட்டது.

12 வயதுக்கு மேற்பட்ட இத்தாலிய மக்களில் கிட்டத்தட்ட 86 விழுக்காட்டினர் ஏற்கனவே குறைந்தபட்சம் ஒரு டோஸ் தடுப்பூசியை பெற்றுள்ளனர், ஆனால் மூன்று தொழிலாளர்களும் இன்னும் தடுப்பூசி போடப்படவில்லை என்று நம்பப்படுகிறது.

மேலும் வேலைக்கு செல்லும் அனைவரும் கோவிட் -19 ஸ்கிரீனிங் சோதனைக்கு உட்படுத்தப்பட வேண்டும் இல்லை எனில் அவர்கள் சம்பளம் இல்லாத விடுப்பில் இருப்பதாக கருத்தில் கொள்ளப்படும் என்று அந்நாட்டு அரசு தெரிவித்துள்ளது.

LEAVE A REPLY

Please enter your comment!
Please enter your name here