கோலாலம்பூர், டிசம்பர் 27 :
தேசிய உயர்கல்வி நிதிக் கழகம் (PTPTN) வெள்ளத்தால் பாதிக்கப்பட்ட கடன் வாங்கியவர்களுக்கு, மூன்று மாதங்கள் கடனைத் திருப்பிச் செலுத்தும் தவணை ஒத்திவைப்பை அறிவித்துள்ளது. இதற்கு எந்த ஆவணங்களும் தேவையில்லை என்று அது தெரிவித்துள்ளது.
இது தொடர்பாக PTPTN இன்று வெளியிட்டுள்ள அறிக்கையில், பாதிக்கப்பட்ட கடனாளிகள் நாளை முதல் அடுத்த ஆண்டு மார்ச் 31ம் தேதி வரை கடன் ஒத்திவைப்புக்கு விண்ணப்பிக்கலாம் என்று தெரிவித்துள்ளது.
விண்ணப்பத்தை அதன் அதிகாரப்பூர்வ இணையதளமான ‘www.ptptn.gov.my/ PenangguhanBayaranBalikBanjir’ என்ற இணைப்பிலோ அல்லது நாட்டிலுள்ள அதன் கிளைகளிலோ செய்யலாம்.
“வெள்ளத்தால் பாதிக்கப்பட்டவர்களின் மூன்று மாத கடன் திருப்பிச் செலுத்துதல் தவணை ஒத்திவைப்பானது, அவர்களின் விண்ணப்பம் அங்கீகரிக்கப்பட்ட அதே மாதத்தில் மற்றும் அடுத்த இரண்டு மாதங்களுக்கு நடைமுறைக்கு வரும் என்று அது தெரிவித்துள்ளது.
“கடன் வாங்கியவர் விண்ணப்பத்தைச் சமர்ப்பித்த நாளிலிருந்து மூன்று வேலை நாட்களுக்குள் கடன் வாங்கியவருக்கு மின்னஞ்சல் மூலம் ஒத்திவைப்பு ஒப்புதல் தெரிவிக்கப்படும்.
“எனவே, ஒத்திவைப்பு விண்ணப்பத்தின் ஒப்புதல் தகவல் அவர்களுக்குத் தெரிவிக்கப்படுவதை உறுதிசெய்ய, கடன் வாங்குபவர்கள் துல்லியமான மற்றும் சமீபத்திய தொடர்புத் தகவலைப் புதுப்பிக்க நினைவூட்டப்படுகிறார்கள்,” என்று அது இன்று கூறியது.
கடந்த வாரம், உயர்கல்வி அமைச்சர் டத்தோஸ்ரீ டாக்டர் நோரைனி அகமட், வெள்ளத்தால் பாதிக்கப்பட்ட PTPTN கடன் வாங்கியவர்களுக்கு மூன்று மாத கடன் திருப்பிச் செலுத்தும் தவணை ஒத்திவைப்பை வழங்குவதாக அறிவித்திருந்தார் என்பது குறிப்பிடத்தக்கது.
