மலேசியாவில் உள்ள அமெரிக்க தூதரகம் 2021 மனித உரிமைகள் அறிக்கையை வெளியிட்டுள்ளது. இதில் பல மனித உரிமை மீறல்கள் மற்றும் ஊழல் வழக்குகளை எடுத்துக்காட்டுகிறது.
கோம்பாக்கில் பாதுகாவலர் எஸ் சிவபாலன், கிள்ளானில் லோதி ஓட்டுநர் உமர் ஃபரூக் அப்துல்லா மற்றும் கோலாலம்பூரில் பசும்பால் வியாபாரி ஏ.கணபதி ஆகியோரின் காவலில் வைக்கப்பட்ட மரணங்கள் இதில் குறிப்பிடப்பட்டுள்ளன.
ஆகஸ்ட் மாதம் டத்தாரான் மெர்டேகாவில் கோவிட்-19 நோயால் இறந்தவர்களுக்கு மெழுகுவர்த்தி ஏற்றி நடத்தியதற்காக Sekretariat Solidariti Rakyat (SSR)யைச் சேர்ந்த 31 ஆர்வலர்கள் கைது செய்யப்பட்டதை மேற்கோள் காட்டி, ஒன்றுகூடுவதற்கான சுதந்திரத்தைக் குறைப்பது குறித்தும் அறிக்கை குறிப்பிடுகிறது.
சபாநாயகர் அசார் ஹருன் கோவிட் -19 கவலைகளை மேற்கோள் காட்டி, சிறப்பு நாடாளுமன்றக் கூட்டத்தை இடைநிறுத்தியதை அடுத்து, எதிர்க்கட்சி நாடாளுமன்ற உறுப்பினர்கள் கட்டிடத்திற்குள் நுழைவதைத் தடுக்க, கடந்த ஆண்டு ஆகஸ்டில் நாடாளுமன்ற உறுப்பினரகள் பிரதான பாதையை போலீசார் தடுத்து நிறுத்திய மற்றொரு சம்பவத்தை மேற்கோள் காட்டியுள்ளது.
நாட்டின் அரசியாரை நையாண்டி செய்ததற்காக ஃபஹ்மி ரேசா கைது செய்யப்பட்டதையும், கடந்த ஆண்டு போராட்டங்களைத் திட்டமிட்டதற்காக எஸ்எஸ்ஆர் செயல்பாட்டாளர்களிடம் போலீஸ் விசாரணையையும் குறிப்பிட்டு, கருத்துச் சுதந்திரம் குறைக்கப்படுவதையும் அறிக்கை உயர்த்தி காட்டுகிறது.
பாலியல் மற்றும் பாலின சிறுபான்மையினருக்கு எதிரான பாகுபாடு குறித்த பிரச்சினையில், இஸ்லாமிய போதனைகளை அவமதித்ததாகக் கூறப்படும் சமய அதிகாரிகளின் நடவடிக்கையில் இருந்து தப்பிக்க ஆஸ்திரேலியாவிற்கு தப்பிச் சென்ற அழகுசாதன தொழிலதிபர் நூர் சஜாத்தின் வழக்கை அறிக்கை மேற்கோளிட்டுள்ளது.
பெண்கள் எதிர்கொள்ளும் கற்பழிப்பு மற்றும் குடும்ப வன்முறை வழக்குகளின் எண்ணிக்கை அதிகரித்து வருவதை அறிக்கை குறிப்பிட்டது. பெண்கள் உதவி அமைப்பு போன்ற உரிமைக் குழுக்களால் எடுத்துக்காட்டப்பட்டது.
நஜிப் ரசாக், அஹ்மத் ஜாஹித் ஹமிடி, லிம் குவான் எங் மற்றும் சையத் சாதிக் சையத் அப்துல் ரஹ்மான் போன்ற அரசியல்வாதிகள் சம்பந்தப்பட்ட பல ஊழல் வழக்குகளை தூதரகம் கவனத்தில் எடுத்தது.
இறைச்சி விற்பனை ஊழல், நெகிரி செம்பிலானின் முன்னாள் ஆலோசகர் இசா சமத்துக்கு லஞ்சம் மற்றும் ஊழலுக்காக ஆறு ஆண்டுகள் சிறைத்தண்டனை விதிக்கப்பட்டது.
பாசீர் சலாக் நாடாளுமன்ற உறுப்பினர் தாஜுதீன் அப்துல் ரஹ்மானை மலேசிய ஊழல் தடுப்பு ஆணையம் கைது செய்து விடுதலை செய்தது போன்றவற்றையும் இந்த அறிக்கை எடுத்துக்காட்டுகிறது. அதிகார துஷ்பிரயோகம் மற்றும் முன்னாள் அமைச்சர் தெங்கு அட்னான் மன்சோர் ஊழல் குற்றச்சாட்டில் இருந்து விடுவிக்கப்பட்டார்.
