இலங்கையில் அதிகரித்து வரும் பிரச்சினை மற்றும் பொது அமைதியின்மை காரணமாக இலங்கைக்கான அத்தியாவசியமற்ற பயணங்களை ஒத்திவைக்குமாறு மலேசியர்கள் அறிவுறுத்தப்படுகிறார்கள்.
வெளிவிவகார அமைச்சு ஞாயிற்றுக்கிழமை (ஜூலை 10) வெளியிட்ட அறிக்கையில், இலங்கையின் முன்னேற்றங்களை உன்னிப்பாகக் கண்காணித்து வருவதாகவும், கொழும்பில் உள்ள உயர் தூதரகத்தில் பதிவுசெய்யப்பட்ட அனைத்து மலேசியர்களுடன் நெருங்கிய தொடர்பில் இருப்பதாகவும் அவர்களின் பாதுகாப்பை உறுதிப்படுத்தவும், தேவைப்பட்டால் தூதரக உதவிகளை வழங்குவோம் என்று கூறியது.
விஸ்மா புத்ரா, தற்போது இலங்கையில் உள்ள அனைத்து மலேசியர்களும் உடனடியாக தூதரகத்தில் பதியுமாறு அழைப்பு விடுத்துள்ளது. ஏனெனில் தேவைப்பட்டால் தூதரக உதவிகளை வழங்க முடியும்.
இலங்கையில் உள்ள அனைத்து மலேசியர்களும் தங்கள் பாதுகாப்பில் மிகுந்த கவனம் செலுத்தவும், உள்ளூர் அதிகாரிகளால் வழங்கப்படும் அறிவுறுத்தல்களை கடைபிடிக்கவும் அறிவுறுத்தப்படுகிறார்கள் என்று அந்த அறிக்கையில் கூறப்பட்டுள்ளது.
தூதரக உதவி தேவைப்படும் மலேசியர்கள் 45, ரோஸ்மீட் பிளேஸ், கொழும்பு 07, இலங்கையில் உள்ள தூதகரத்தை தொடர்பு கொள்ளலாம்; +94774830103 என்ற எண்ணில் தொலைபேசி மூலமாகவோ அல்லது mwcolombo@kln.gov.my என்ற மின்னஞ்சல் மூலமாகவோ அணுகலாம்.
22 மில்லியன் மக்களைக் கொண்ட தேசம் எரிபொருள், மருந்துகள் மற்றும் உணவுப் பற்றாக்குறையை எதிர்கொண்டுள்ள நிலையில், இலங்கை பல தசாப்தங்களில் மிக மோசமான பொருளாதார நெருக்கடியில் மூழ்கியுள்ளது.
ஆத்திரமடைந்த ஆர்ப்பாட்டக்காரர்கள் சனிக்கிழமை ஜனாதிபதியின் இல்லத்தை முற்றுகையிட்டு, பிரதமரின் வீட்டை எரித்ததை அடுத்து, ஜனாதிபதி கோட்டாபய ராஜபக்ச மற்றும் பிரதமர் ரணில் விக்கிரமசிங்க ஆகியோர் பதவி விலகுவதாக அறிவித்துள்ளனர்.
