அம்பாங் ஜெயா, ஜூலை 14 :
அம்பாங் ஜெயா பகுதியில் திருட்டு மற்றும் கொள்ளையில் ஈடுபட்டுவந்தவர்கள் என நம்பப்படும் நால்வரை அம்மாவட்ட காவல்துறையினர் இன்று அதிகாலை கைது செய்தனர்.
29 முதல் 42 வயதுடைய சந்தேகநபர்கள் நால்வரும் ஜாலான் பாசீர் எமாஸ், சுங்கை சுவா, காஜாங் என்ற இடத்தில் கைது செய்யப்பட்டனர் என்று அம்பாங் ஜெயா மாவட்ட காவல்துறைத் தலைவர், துணை ஆணையர் முகமட் ஃபாரூக் எஷாக் கூறினார்.
இதற்கு முன், கடந்த ஜூலை 4 ஆம் தேதி, இங்குள்ள ஜாலான் லிங்கரான் தெங்கா 2, கோலா அம்பாங்கில் கொள்ளை மற்றும் கடையில் திருட்டு வழக்கு தொடர்பான தகவல் கிடைத்தது.
அவர் அளித்த தகவலின்படி, மேற்கொள்ளப்பட்ட உளவுத்துறை நடவடிக்கை மற்றும் தகவல்களின் விளைவாக, இன்று அதிகாலை 1.15 மணியளவில் அம்பாங் ஜெயா மாவட்ட காவல்துறை தலைமையகத்தின் குற்றப் புலனாய்வுப் பிரிவின் குழு நான்கு பேரைக் கைது செய்தது.
“சந்தேக நபர்களின் கடந்த குற்றப் பதிவுகளை மறுஆய்வு செய்ததில், முதல் சந்தேகநபர் நான்கு குற்றப் பதிவுகளையும், இரண்டாவது சந்தேகநபர் (மூன்று குற்றப் பதிவுகள்), மூன்றாவது சந்தேகநபர் (ஒரு குற்றப் பதிவு), நான்காவது சந்தேகநபர் (ஏழு குற்றப் பதிவுகள்) இருப்பதையும் காவல்துறையினர் கண்டறிந்துள்ளது.
“சந்தேக நபர்கள் நால்வரும் ஜூலை 20 வரை ஏழு நாட்கள் விளக்கமறியலில் வைக்கப்படுவார்” என்று அவர் இன்று வெளியிட்டுள்ள அறிக்கையில் தெரிவித்துள்ளார்.
அவரைப் பொறுத்தவரை, அவர்களை கைது செய்ததன் விளைவாக அம்பாங் ஜெயாவில் மூன்று வழக்குகளை வெற்றிகரமாக தீர்த்து வைத்ததாக நம்பப்படுகிறது.
குற்றவியல் சட்டம் பிரிவு 395/397 மற்றும் பிரிவு 379A ஆகியவற்றின் கீழ் இந்த வழக்கு விசாரிக்கப்பட்டு வருவதாக அவர் கூறினார்.
