கோலாலம்பூர், ஜாலான் துகு என்ற இடத்தில் காரின் பின்பகுதியில் கால்கள் கட்டப்பட்டு முகம் மற்றும் காதுகளில் காயங்களுடன் ஒருவர் இறந்து கிடந்தார்.
முன்னதாக, டாங் வாங்கி போலீஸ் தலைமையகத்தைச் சேர்ந்த (IPD) போலீஸ் ரோந்து கார் பிரிவின் (MPV) இரண்டு உறுப்பினர்கள், இங்குள்ள பேங்க் நெகாராவுக்கு அருகிலுள்ள ஹிஷாமுதீன் ரவுண்டானாவில், பெரோடுவா பெஸ்ஸா காரை சந்தேகத்திற்கிடமான முறையில் காலை 6.30 மணியளவில் ஓட்டிச் செல்வதைக் கண்டனர்.
இங்குள்ள மலேசியன் மெடிக்கல் கவுன்சில் கட்டிடம், ஜாலான் துகு அருகே சாலையோரத்தில் டிரைவர் காரை நிறுத்து கூறி அவர்கள் நிறுத்ததால் MPV காரை துரத்தியது.
கோலாலம்பூர் காவல்துறைத் தலைவர் டத்தோ அஸ்மி அபு காசிம் கூறுகையில், ஒரு பெண் உட்பட நான்கு பேர் ஜாலான் துகுவில் உள்ள மலாயன் ரயில்வே (KTM) பாதையை நோக்கி தப்பி ஓடிவிட்டனர்.
பின்னர் போலீசாரின் விசாரணையில் காரின் பின்பகுதியில் முகம் மற்றும் காதுகளில் ரத்தம் வழிந்த நிலையில் கால்கள் துணியால் கட்டப்பட்ட நிலையில் சடலமாக கிடந்த ஆடவரின் உடலை மீட்டனர்.
முதற்கட்ட விசாரணையில், கார் கிராப் கார் இ-ஹெய்லிங் சேவையால் பயன்படுத்தப்பட்டது மற்றும் பண்டார் புத்ரா பெர்மாய், ஶ்ரீ கெம்பாங்கன், சிலாங்கூர் என்ற முகவரியில் ஒரு நபரின் பெயரில் பதிவு செய்யப்பட்டுள்ளது என்று அவர் இன்று தொடர்பு கொண்டபோது கூறினார்.
பலியானவர் 50 வயது மதிக்கத்தக்க உள்ளூர் நபர் என்று அவர் கூறினார். அதைத் தொடர்ந்து, இன்று மாலை 4.30 மணியளவில் கோலாலம்பூர் காவல்துறை ஏழு இந்தோனேசிய நபர்களை கைது செய்துள்ளனர்.
அதில் நான்கு பேர் பாதிக்கப்பட்டவரின் உடலைக் கண்டுபிடித்த வழக்கில் சம்பந்தப்பட்டிருக்கலாம் என்று சந்தேகிக்கப்படுகிறது. கொலைக் குற்றத்திற்கான தண்டனைச் சட்டம் பிரிவு 302ன் படி விசாரணை நடத்தப்படுகிறது.
